Kryetari i Partisë Demokratike të Kosovës, Memli Krasniqi, ka publikuar këtë të diele të gjeturat e Komisionit Evropian në raportin e fundit për Kosovën ku sipas tij, evidentohet dështimi i qeverisë aktuale në reformën e administratës publike.
Kreu i PDK-së ka rikujtuar se Qeveria Kurti, e cila kishte premtuar punësim e drejtësi, pas ardhjes në pushtet “i ka mbushur institucionet e pavarura dhe bordet me familjarë e militantë partiakë”.
“Ndërkaq, Ligji për Paga, më shumë është padrejtësi dhe pabarazi, sesa sistem fer shpërblimi”, ka thënë kreu i PDK-së Memli Krasniqi”, derisa ka publikuar një video në faqen e tij në Facebook.
Komisioni Evropian (KE) i ka qortuar Kosovën dhe Serbinë për moszbatimin e marrëveshjeve të arritura në dialogun e ndërmjetësuar nga Bashkimi Evropian (BE) në raportet e tij të progresit për të dyja vendet.
Kosova ka bërë “përparime të kufizuara” në përmbushjen e standardeve të nevojshme për t’iu bashkuar BE-së.
Nga ky raport kritikohet pjesa ku autoritetet e vendit nuk trajtojnë në nivel të duhur sulmet dhe kërcënimet që bëhen ndaj gazetarëve.
“Shqetësimet mbeten në lidhje me sulmet dhe kërcënimet fizike, fushatat e shpifjeve publike dhe urrejtjen fjalim drejtuar kundër gazetarëve. Jo të gjitha kërcënimet ndaj gazetarëve dhe mediave raportohen tek autoritetet, edhe pse në vitin 2022 shënohet një rritje e lehtë e numrit të rasteve të raportuara”, thuhet në raportin e KE-së.
Edhe këtë vit shqetësim mbetet liria e kufizuar e shprehjes në Veri të Kosovës, ku numri më i madh i sulmeve ndaj gazetarëve është bërë në këtë pjesë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
“Jam i gëzuar që do bashkëpunoj me një profesor si Mickoski – kemi program fantastik me VMRO-në”, Arben Taravari intervistë për Albanian Post
-
Strategji kombëtare kundër emigracionit, Balla: Synojmë të frenojmë kërkesat për azil
-
Në ujërat greke, aty ku vendet evropiane mësojnë të luftojnë pa ndihmën amerikane
-
Gazetarët në protestë para Kuvendit për lirinë e shtypit