Kolonat e gjata të veturave dhe komunikacioni i dendur në mes të Prishtinës dhe Fushë Kosovës mendohet se ka një zgjidhje.
Ministri i Ministrisë së Mjedisit, Planifikimit Hapësinor dhe Infrastrukturës, Liburn Aliu, ka thënë se përmes një linje hekurudhore me tren Prishtinë-Fushë-Kosovë, mund të rregullohet ky problem.
Aliu tha se udhëtimi me tren “të lehtë” do ta shkarkonte qarkullimin e veturave ku po krijohen kolona të gjata në mes të Fushë-Kosovës dhe Prishtinës.
“Projekt tjetër është projekti që lidh Prishtinën me aeroportin. Mbase mund të fillohet një projekt që mund ta lidhë Prishtinën dhe Fushë-Kosovën, që do të ndihmonte shumë në shkarkimin e qarkullimit të veturave nga Prishtina në Fushë-Kosovë, do të ulej shumë fluksi”.
“Pra, nga stacioni i trenit ku e kemi këtu (Prishtinë), deri tek stacioni në Fushë-Kosovë, të ndërtohet linja e trafikut urban me tren të lehtë”, është shprehur Aliu në T7.
Ndër të tjera, Aliu tha se gjendja e hekurudhave është e rëndë, andaj edhe mendohet të modernizohen disa nga hekurudhat në Kosovë.
“Gjendja e hekurudhave është e rëndë, funksionon me fonde të Bashkimit Evropian. Është duke u modernizuar hekurudha e Hanit të Elezit që lidhet me Fushë-Kosovën, pastaj me Mitrovicën”, ka thënë Aliu.
“Janë projekte tjera, tashmë të dizajnuara, një ndër to është edhe hekurudha prej Fushë-Kosovës në Merdare”, ka thënë Aliu.
“Pastaj edhe hekurudha Prishtinë-Pejë është funksionale, ndërsa Klinë-Prizren, e cila nuk është funksionale, kërkohet të rindërtohet”, shtoi Aliu.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
GJKKO rrëzon sërish Berishën dhe Malltezin, lihen në arrest shtëpie
-
Rama njofton se shumë shpejt do të nis ndërtimi i spitalit të Prishtinës
-
Ministrja gjermane: Rusët janë pas sulmeve kibernetike ‘të pa tolerueshme’ të vitit të kaluar
-
Ambasada amerikane në Kosovë: Një demokraci e fortë inkurajon një media të lirë
Lajmet kryesore
-
Prezantohet strategjia e menaxhimit të Financave Publike, Gonzato: Prek disa kapituj të integrimit evropian
-
Nga lufta ndaj krimit te pavarësia e prokurorëve, qeveria shpalos 4 rekomandime për SPAK dhe Prokurorinë
-
Ministrja gjermane: Rusët janë pas sulmeve kibernetike ‘të pa tolerueshme’ të vitit të kaluar
-
Kosova shënon regres për 19 vende në indeksin e “Reporterëve pa Kufij” – gazetarët vazhdojnë të jenë cak i sulmeve politike