![](https://albanianpost.com/wp-content/uploads/2023/06/Parlamenti-evropian.jpg)
Koordinatorija e Zyrës për Preshevë, Medvegjë dhe Bujanoc në Qeverinë e Kosovës, Ardita Sinani, nëpërmjet një postimi në llogarinë e saj në “Facebook”, ka njoftuar se çështja e shqiptarëve në Serbi do të ngritet edhe në Parlamentin Evropian dhe në Këshillin e Evropës.
Ajo njoftoi se nga nesër (e hënë, 12 qershor), së bashku me anëtarët tjerë të delegacionit nga Lugina e Preshevës, do të jenë në vizitë tre ditore në Bruksel për të ngritur problematikën e shqiptarëve të Preshevës, Medvegjës e Bujanocit në Parlamentin Evropian dhe Këshillin e Evropës.
“Për tre ditë në Bruksel do të zhvillojmë 12 takime me udhëheqësit më të lartë të Këshillit të Evropës dhe Parlamentit Evropian. Pozita e vështirë e pakicës shqiptare në Serbi dhe diskriminimi konsistent do të jenë thelbi dhe tema kryesore e këtyre takimeve jashtëzakonisht të rëndësishme”, shkroi Sinani.
“Kushtëzimi i rrugëtimit të Serbisë në integrimet evropiane do të duhej të kushtëzohej me realizimin dhe plotësimin e të drejtave të shqiptarëve në Serbi në përgjithësi, e në veçanti në komunat Preshevë, Medvegjë e Bujanoc”, shtoi ndër të tjera ajo.
Sinani ndër të tjera nënvizoi se zgjidhja afatgjate e çështjeve të hapura mes Kosovës dhe Serbisë do të ishte implementimi i reciprocitetit në të drejta të serbëve që jetojnë në Kosovë dhe shqiptarëve që jetojnë në Serbi.
Qeveria e Kosovës në shkurt të këtij viti ka aprovuar kërkesën e Këshillit Kombëtar Shqiptar dhe përfaqësuesve të Preshevës, Medvegjës dhe Bujanocit për përkrahje financiare në vlerë 39 mijë e 470 dollarë amerikan.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gërvalla, presidentit të Komitetit të Ministrave të KiE-së: I kemi plotësuar të gjitha kushtet për anëtarësim
-
LDK: Edhe një vendim anti-kushtetues i Qeverisë
-
Partitë kryesore spanjolle kundërshtojnë njohjen e pavarësisë së Kosovës
-
Qeveria: Raportin për Banjën e kemi dorëzuar në BE qysh në vitin e kaluar
Lajmet kryesore
-
Zbardhen bisedat e skemës abuzive te Onkologjiku: Mjekët dërgonin pacientët te privati, ilaçet për tumorin i çonin nëpër farmaci
-
BSH: Investimet e huaja në pasuri të paluajtshme rritje me 71%
-
Bardella premton të ndalojë shtetasit e dyfishtë nga disa punë shtetërore në Francë
-
Gërvalla, presidentit të Komitetit të Ministrave të KiE-së: I kemi plotësuar të gjitha kushtet për anëtarësim