Producenti i Oscars, Will Packer tha se policia e Los Anxhelosit ishte “e përgatitur” për të arrestuar aktorin Will Smith pasi ai goditi komedianin, Chris Rock, në skenën e Çmimeve të Akademisë, shkruan e përditshmja “The Guardian”.
53 vjeçari, Smith, përballet me masa disiplinore për grindjen me Rock-un, gjë që u nxit nga shakaja e komedianit për gruan e aktorit, Jada Pinkett.
Aktori tronditi audiencën në Teatrin Dolby në Los Anxhelos kur u ngjit në skenë dhe goditi Rock-un në fytyrë.
Smith më pas u kthye në vendin e tij, duke i bërtitur Rock-ut për të mbajtur emrin e Pinkett Smith larg nga “goja e tij”.
Smith që atëherë ka lëshuar një deklaratë zyrtare duke i kërkuar falje komedianit.
Packer ka zbuluar në një intervistë në emisionin e mëngjesit “Good Morning America” se Departamenti i Policisë së Los Anxhelosit i tha Rock se ishin “të përgatitur” për të arrestuar Smith.
Në prapaskenë, policia po diskutonte opsionet me Rock, tha Packer. Rock “u tregua shumë shpërfillës ndaj këtyre opsioneve. Ai tha: “jo, jo, jo, jam mirë”.
Smith i kërkoi falje Rock-ut, producentëve dhe shikuesve në një deklaratë të hënën, duke thënë se ai kishte “reaguar emocionalisht”.
Përfaqësuesit për Rock nuk iu përgjigjën menjëherë një kërkese për koment.
Shakaja e Rock-ut për gruan e Smith, Jada Pinkett Smith, i referohej filmit të vitit 1997 “GI Jane”, në të cilin aktorja Demi Moore, rruajti kokën. Ishte e paqartë nëse Rock ishte i vetëdijshëm se Pinkett-Smith ka një gjendje që shkakton rënie të flokëve.
Një zëdhënës i policisë tha të dielën mbrëma se individi i përfshirë në incident kishte refuzuar të ngrinte akuza, por nuk dha detaje në lidhje me ndërveprimet në shfaqjen e çmimeve.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Amy Schumer dhe Jennifer Lawrence synojnë të sjellin një film, por jo komedinë e premtuar vite më parë
-
Vajza e Beyonce dhe Jay Z, Blue Ivy Carter debuton në botën e filmave
-
Meryl Streep bën shaka duke thënë se Nicole Kidman është aq e mirë në aktrim saqë është “traumatizuese”
-
“The Strike”, një betejë për të ndalur izolimin e pafund të burgosjes
Lajmet kryesore
-
“Jam i gëzuar që do bashkëpunoj me një profesor si Mickoski – kemi program fantastik me VMRO-në”, Arben Taravari intervistë për Albanian Post
-
Strategji kombëtare kundër emigracionit, Balla: Synojmë të frenojmë kërkesat për azil
-
Në ujërat greke, aty ku vendet evropiane mësojnë të luftojnë pa ndihmën amerikane
-
Bardhi: Keni refuzuar çdo kërkesë të PD për interpelancë me Ramën, Çuçi: S’ka asgjë urgjente