Policia australiane fajëson hakerët rusë për rrjedhjen e të dhënave mjekësore

Në Australi, autoritetet kanë fajësuar hakerët me bazë në Rusi për një sulm kibernetik që ekspozoi informacionin personal të klientëve privatë të sigurimeve shëndetësore.

Në to përfshiheshin detaje të abortit, detaje të trajtimeve për varësinë dhe HIV-in.

Reece Kershaw, Komisioneri i Policisë Federale Australiane (AFP), ka njoftuar se një “grup kriminelësh kibernetikë” të lidhur me shkeljet e të dhënave diku tjetër ishte përgjegjës për sulmin kibernetik ndaj Medicare.

Sipas tij, autoritetet e dinë identitetin e individëve pas sulmit kibernetik, i cili rrezikoi të dhënat që u përkisnin pothuajse 10 milionë pacientëve, por nuk do t’i emërojë ata në këtë moment.

“Për kriminelët, ne e dimë se kush jeni dhe për më tepër, AFP ka disa ecuri të rëndësishme në tabelën e rezultateve kur bëhet fjalë për kthimin e shkelësve jashtë shtetit në Australi për t’u përballur me sistemin e drejtësisë”, ka vijuar ai.

Kershaw ka treguar po ashtu se AFP do të zhvillojë bisedime me organet ruse të zbatimit të ligjit në lidhje me individët që besohet se janë përgjegjës.

Hakerët kanë kërkuar një shpërblim prej gati dhjetë milionë dollarësh për të ndaluar rrjedhjen e informacionit mjekësor të australianëve.

Medibank, siguruesi më i madh privat shëndetësor i Australisë, ka refuzuar të paguajë shpërblimin, duke cituar këshilla nga ekspertët e krimit kibernetik që një veprim i tillë nuk do të siguronte kthimin e informacionit të klientëve.

Gjithashtu mund të vinte “më shumë njerëz në rrezik duke e bërë Australinë një objektiv më të madh”.

Marrë nga “Aljazeera”, përshtatur për “Albanian Post’.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.