Shtetasja gjermane J.A., ndaj së cilës rëndojnë akuza për krime lufte, besohet se është martuar me disa anëtarë të organizatës terroriste “Shteti Islamik” (IS).
J.A.-në e ndaluan në tetor të vitit 2021 në Aeroportin e Frankfurtit, pasi ishte lëshuar një urdhër-arresti nga gjykata më e lartë rajonale e Hamburgut.
Prokurori i Përgjithshëm Federal në Karlsruhe njoftoi të mërkurën e 9 shkurtit se autoritetet gjermane kanë ngritur akuza për krime lufte kundër anëtares së dyshuar të “Shtetit Islamik”.
Çfarë dimë deri tani?
J.A. udhëtoi për herë të parë në Siri në vitin 2014, me synimin për t’u bashkuar me grupin terrorist. Ajo u martua me një anëtar të IS-it dhe jetoi në qytetet siriane të Tal Abyad dhe Raqqa.
Gjatë kësaj kohe, dyshohet se ka mbështetur aktivitetet e bashkëshortit të saj në grupin ekstremist.
Prokurorët thonë se është parë të angazhohej në dënime publike dhe brutalitet. Madje rriti djalin e saj në ideologjinë e IS.
Në prill 2015, burri i saj i parë vdiq në luftime. Prandaj, ajo u bë “gruaja e dytë” e një tjetër luftëtari të IS-it.
Nga shtatori deri në tetor, ajo ishte martuar për herë të tretë dhe ishte vendosur në qytetin Mayadin, i cili shtrihet në Sirinë lindore.
J.A. tentoi të largohej nga Siria në fund të vitit 2017, por u arrestua.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
