Shefi ekzekutiv i Pfizer tha se vendet me të ardhura të ulëta dhe të mesme kishin vendosur të mos porositnin doza tё Covid-19, nga kompania.
“Ne i’u afruam të gjithë kombeve duke u kërkuar të vendosnin porosi në mënyrë që të mund të caktonim doza për ta. Në realitet, vendet me të ardhura të larta rezervuan shumicën e dozave,” tha kryeshefi ekzekutiv, Albert Bourla në një letër drejtuar punonjësve të Pfizer.
“Shumica e vendeve me të ardhura të ulëta dhe të mesme që ai kontaktoi vendosën të vendosnin porosi me prodhuesit e tjerë të vaksinave, ose sepse teknologjia themelore e përdorur në dozёn e Pfizer ishte akoma e paprovuar, ose kishte mundësi vendore”, shkroi Bourla.
Disa vende madje nuk e miratuan kurrë vaksinën e Pfizer, sipas tij.
Të mërkurën, Përfaqësuesja e Tregtisë së SHBA-sё Katherine Tai tha se SHBA-ja do të mbështeste përpjekjet për të arritur një marrëveshje për heqjen dorë nga mbrojtja e pronës intelektuale për vaksinat Covid-19.
Vendeve me të ardhura të mesme u kërkohet të paguajnë gjysmën e asaj që bëjnë vendet me të ardhura më të larta, ndërsa vendeve me të ardhura të ulëta u ofrohet nё kosto.
“Pfizer dhe BioNtech janë në rrugën e duhur për të dhënë 3 miliardë doza këtë vit në më shumë se 116 vende”, tha Bourla.
Bourla tha se pret që 40% të dozave, ose më shumë se 1 miliardё, të shkojnë në vendet me të ardhura të mesme dhe të ulëta këtë vit.
“Vitin tjetër, partneriteti Pfizer-BioNTech ka të ngjarë të jetë në gjendje të japë 4 miliardë doza”, tha ai.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Izraeli rihap vendkalimin Kerem Shalom
-
Dëshmi nga Rafahu: Situata është jashtë kontrollit, askush nuk beson se lufta mund të përfundojë
-
Kitara e zotëruar më parë nga Prince mund të kapë 600 mijë dollarë në ankand
-
SHBA-të ndaluan dërgesën e bombave në Izrael, shqetësime për përdorimin e mundshëm në Rafah