Drejtori i të ashtuquajturës Zyrës për Kosovë në Qeverinë e Serbisë, Petar Petkoviç, ka biseduar të martën me të dërguarin special të Mbretërisë së Bashkuar për Ballkanin Perëndimor, Stuart Peach për dialogun ndërmjet Beogradit dhe Prishtinë në Bruksel dhe situatën e sigurisë në rajon.
Petkoviç i është ankuar Peach-it për mos-lejimin e mbajtjes së referendumit për ndryshime të Kushtetutës së Serbisë të 16 janarit, në territorin e Republikës së Kosovës, përcjell mediumi serb Tanjug.
Kjo nuk ishte ankesa e vetme, e Petkoviç-it, ai e ka njoftuar diplomatin britanik edhe për zgjedhjet e ardhshme serbe se ato ka gjasa reale të mos lejohen të organizohen në territorin e Kosovës.
Ndërsa, kryeministrja serbe, Ana Brnabiç në takim me Peach ka thënë se bashkëpunimi në rajon, dhe me partnerët që kontribuojnë në atë bashkëpunim, është një angazhim strategjik i shtetit serb, sepse sipas saj Serbia ka për qëllim arritjen e stabilitetit, përparimit ekonomik dhe prosperitetit të Ballkanit Perëndimor.
Me 18 janar Peach ka pritur në takim ambasadorët e “WB6” në ambientet e ambasadës së Britanisë së Madhe në Bruksel, pak orë para takimit me emisarin e Bashkimit Evropian për dialogun Kosovë-Serbi, Miroslav Lajçak.
Shefi i misionit të Britanisë së Madh në Bashkimin Evropian, Linsay Appleby, në një postim në rrjetin social Twitter kishte thënë se Britania e Madhe mbetet e përkushtuar për të mbështetur integrimin euroatlantik të gjashtë shteteve të Ballkanit Perëndimor, duke ia bashkangjitur fotografitë e takimit të Peach me ambasadorët nga Shqipëria, Bosnja dhe Hercegovina, Kosova, Mali i Zi, Maqedonia dhe Zëvendës shefin e misionit të Serbisë në Bruksel.
Pleasure to host excellent and frank discussions with Special Envoy Sir Stuart Peach and Ambassadors from 🇦🇱🇧🇦🇽🇰🇲🇪🇲🇰and 🇷🇸 Deputy Head of Mission on a wide range of Western Balkans developments. 🇬🇧 remains committed to supporting the Euro-Atlantic integration of the #WB6 pic.twitter.com/KUXYisLodV
— Lindsay Appleby (@LindsayCAppleby) January 18, 2022
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ka vdekur Steve Albini, producenti legjendar i Nirvana
-
Numërohen afër 95% e votave: “Fronti Evropian” ka 18 deputetë, “VLEN” 13
-
O’Brien, Escobar e Lajçak “diskutim të rëndësishëm” mbi strategjinë për të çuar përpara Kosovën e Serbinë në dialog
-
Shtetet e Bashkuara pezullojnë dërgimin e bombave në Izrael
Lajmet kryesore
-
Numërohen afër 95% e votave: “Fronti Evropian” ka 18 deputetë, “VLEN” 13
-
Rama ‘habitet’ me opozitën greke dhe kupton perspektivën e Mitsotakisit për vizitën e tij në Athinë
-
Ahmeti: Jemi fitues me mbi 30 mijë vota, qytetarët janë për anëtarësim në BE
-
O’Brien, Escobar e Lajçak “diskutim të rëndësishëm” mbi strategjinë për të çuar përpara Kosovën e Serbinë në dialog