Përçarja e transportit mund të vonojë porositë e Krishtlindjes

Ekspertët kanë paralajmëruar se përçarja në industrinë globale të transportit të kontejnerëve nuk tregon asnjë shenjë të zgjidhjes së shpejtë dhe mund të çojë në mungesa në prag të Krishtlindjeve.

Një shpërthim i Covid-19 në provincën Guangdong në jug të Kinës ka shkaktuar mbingarkesë akute në portet e rajonit.

Si rezultat, dërgesat janë vonuar, duke përkeqësuar tensionet brenda zinxhirëve global të furnizimit.

Në këtë mënyrë ekspertët thanë se këto do të sjellin efekt goditës ku mund të duhen muaj për t’u zgjidhur.

Problemet në Guangdong janë vetëm të fundit në një seri pengesash të rënda për industrinë. Firmat e transportit detar kanë qenë duke luftuar për të përballuar luhatjet dramatike të kërkesës të shkaktuara nga pandemia, si dhe pasojat nga bllokimi i fundit i Kanalit të Suezit.

Natyra globale e sektorit dhe mungesa e kapacitetit të lirë brenda tij, do të thotë që problemet në një rajon mund të kenë efekte të valëzuara në të gjithë botën për disa muaj.

Devijimet

“Yantian International Container Terminal” është një prej porteve në rajonin Shenzhen, të cilat së bashku formojnë një portë jetike për eksportet nga Delta e Lumit Pearl. Një qendër kryesore kineze për prodhimin dhe teknologjinë.

Por që nga fundi i majit terminali ka funksionuar në një pjesë të kapacitetit të tij normal, me operacionet e kufizuara për shkak të kontrollit për ndalimin e përhapjes së Covid. Kjo ka çuar në mbingarkesë të rëndë, me dhjetëra anije që presin jashtë portit prej gati tre javësh për të vijuar lundrimin.

Gjatë ditëve të fundit, linjat e transportit kanë devijuar anijet larg nga Yantian në terminalet e tjerë të afërt në zonën e Delta-s. Por dhe kjo ka krijuar problemet e veta duke sjellë vonesa.

Bllokime

Kriza në rritje në Kinën jugore është vetëm goditja e fundit që goditi industrinë e transportit detar, e cila vuan nga përçarje akute prej më shumë se një viti.

Një ngadalësim dramatik në fazat e hershme të pandemisë u pasua nga një furi e aktivitetit, pasi klientët, nuk mund të udhëtonin dhe porositnin më shumë mallra të konsumit.

Ky ndryshim i papritur i kërkesës, nga uria në festë, hodhi zinxhirët e furnizimit të ekuilibruar me delikatesë. Portet në Evropë dhe Amerikën e Veriut u bllokuan, me shumë anije që mbërrinin në të njëjtën kohë.

Pastaj erdhi bllokimi i Kanalit të Suezit në mars. Mbyllja e një prej korsive më të ngarkuara të transportit në botë vonoi qindra anije. Por pas zhbllokimit të Kanalit mbërritja e papritur e anijeve të vonuara shkaktoi bllokime të reja në qendrat evropiane si Roterdam dhe Antwerp.

Kriza e vazhdueshme

Sipas analistit kryesor të transportit në organizatën e industrisë Bimco, Peter Sands, sektori është mësuar t’i përgjigjet krizave.

“Në një shkallë të rrjetit global, këto gjendje të jashtëzakonshme janë një situatë e përhershme tani”, shpjegon ai.

“Por çështja me Yantian-in është se ne kemi nevojë për më shumë transparencë dhe hapje nga autoritetet lokale. Dhe ne nuk po e marrim atë, që do të thotë se ka shumë pasiguri në zhvillimin e planeve të paparashikuara”.

Shpresa brenda industrisë është që situata në Yantian të zgjidhet sa më shpejt që të jetë e mundur, megjithëse ekspertët paralajmërojnë se kur kjo të ndodhë, kjo do të çojë në një rritje të dërgesave nga rajoni, gjë që mund të shkaktojë pengesa të tjera në zinxhirin e furnizimit.

Për këtë arsye ai pret që përçarja të vazhdojë për të paktën edhe 12 muaj të tjerë, me konsumatorët në Evropë dhe Amerikën e Veriut që vazhdojnë të përballen me pritje shumë më të gjata se normalja për mallrat e tyre.

Krishtlindje e çmendur

Për shitësit me pakicë në Mbretërinë e Bashkuar, kjo ngre perspektivën reale të një mungese mallrash përpara periudhës së pazarit të Krishtlindjeve. Edhe në rrethana normale, ata fillojnë të marrin stoqe sezonale nga Kina muaj më parë, me procesin që fillon në fund të verës.

Sipas ekspertëve tradicionalisht, sezoni i pikut për transportin e kontejnerëve fillon në tremujorin e tretë. Por ky vit është duke u përballur me problematika dhe nuk dihet se kur do të fillojë transporti i mallrave në gusht ose shtator.

Nga ana tjetër ekspertët thanë se “nëse dëshironi të merrni diçka për familjen tuaj për Krishtlindje, filloni të bëni blerje tani”.

Marrë dhe përshtatur nga BBC për Albanian Post

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.