Numërimi i votave me postë do të nisë këtë të diele në ora 11:00, në Qendrën e Numërimit dhe Rezultateve (QNR).
Komisioni Qendror i Zgjedhjeve i ka pranuar votat nga jashtë në periudhën nga 15 shtatori e deri më 15 tetor.
KQZ në mbledhjen e së shtunës së 23 tetorit ka bërë të ditur se ka aprovuar 9 mijë e 610 pako me fletëvotime të ardhura nga jashtë, ndërsa ka refuzuar 1 mijë e 324 nga gjithsej 10 mijë e 934 fletëvotime të pranuara.
Shefi i sekretariatit të KQZ-së, Burim Ahmetaj, ka thënë se numërimi i votave me postë do të fillojë në ditët e ardhshme.
“Janë 10 mijë e 934 zarfe me fletëvotime të ardhura përmes postës, numri i pakove të aprovuara është 9 mijë e 610, ndërkaq i atyre të refuzuara është 1 mijë e 324. Në ditët në vijim do të fillojë procesi i numërimit të votave me postë”, ka thënë Ahmetaj gjatë mbledhjes së KQZ-së.
Përfaqësuesit e Lëvizjes Vetëvendosje (LVV) në KQZ kanë akuzuar Partinë Demokratike të Kosovë (PDK) si dhe Lidhjen Demokratike të Kosovës (LDK) për vjedhje votash në vendvotimin në Fushë-Kosovë.
Në mbledhjen e kaluar të KQZ-së vendvotimi në Fushë-Kosovë numër 0906E/01D, është vendosur të shkojë në rinumërim, për shkak se nuk ka mundur të procedohet si i rregullt.
Ndërsa, sipas Florian Dushit, përfaqësues i LDK-së ky vendvotim është dërguar pa të drejtë në rinumërim.
“Është shumë me rëndësi me ditë qe hetimi përfshin edhe rinumërimin. Ju pa të drejtë, e keni quar në hetim. Ai i ka plotësuar të gjitha kriteret për tu proceduar si i rregullt”.
Ndërsa, kryeshefi i Sekretaritatit të KQZ-së, Burim Ahmetaj bëri të ditur se policia e Kosovës në ditën e zgjedhjeve kishte konfiskuar 22 fletëvotime të dëmtuara nga ky vendvotim.
“Sekretariati ka bërë hetim dhe pastaj rinumërim. E këtij vendvotimin. Ekipi i hetimit në Qendrën e Numërimit dhe Rezultateve (QNR) ka analizuar fletëvotimet. Së pari ka shikuar vlefshmërinë e tyre, a i takojnë atij vendvotimi. Nga vlerësimi vërtetohet se fletëvotimet janë te vulosura, mbajnë numrat serik të atij vendvotimi”, ka thënë Ahmetaj.
Ahmetaj është akuzuar nga Kurteshi për përfshirje siç ka thënë ai në “krim të organizuar duke manipuluar procesin”.
Ai ka kërkuar nga kryesuesi Radoniqi disa herë që të ja tërheq vërejtjen Kurteshit për akuzat e pa baza ndaj tij.
Radoniqi për të qetësuar situatën kishte kërkuar pauzë për disa minuta, në mënyrë që të ketë mundësi të vazhdoj mbledhja me pikat e rendit të ditës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Shembja e autostradës në Kinë vret 24 persona
-
Hoti: Slogani i LVV-së “Drejtësi dhe Punësim” ka qenë “mashtrim i tipit të komunizmit”
-
Haradinaj, Qeverisë: Dialogu me sindikatat u shndërrua në platformë monologu, asnjë progres i shënuar
-
Punëtoria kosovare të shfrytëzuar nga kapitali dhe të shtypur nga Qeveria, thotë PSD-ja
Lajmet kryesore
-
Në 6-mujorin e dytë norma e inflacionit mbeti mbi nivelin e synuar të BSH-së
-
Rama nga impianti i Ferrokromit: Sistemi i filtrimit, 2 milionë euro investim
-
Borrelli thotë se Ballkani Perëndimor ka shansin historik për të lidhur të ardhmen me BE-në
-
Askujt s’iu kërkua ndonjëherë përmbushja e kaq shumë parakushteve sikurse Kosovës, thotë Bakoyannis
