Nga sot, të gjitha pikat kufitare me Greqinë, do të jenë të mbyllura për dy ditë me radhë.
Deri më datë 4 prill, dogana e Kapshticës, e Kakavijës, e Tre Urave dhe Qafë Bota nuk do të funksionojnë.
Për mbylljen e tyre, shkak është është bërë një grevë nga ana e Sindikatës Doganore.
Ndërkohë, njoftimi i një dite më parë lidhur me mbylljen ka bërë që shumë shtetas të lëviznin drejt Greqisë ditën e djeshme.
Referuar të dhënave të policisë, gjatë 24 orëve të fundit nga Kapshtica kanë hyrë 2 mijë e 504 shtetas dhe kanë dalë 2 mijë e 335.
Sakaq, kushtet e tjera të grevës mbeten të njëjta.
Nga data 2-4 Prill nuk do të lejohen hyrje-daljet e mjeteve të transportit të mallrave, të autobusëve dhe shërbimit taksi, por vetëm këmbësorët pa bagazhe.
“Policia Greke ka njoftuar Stacionin e Policisë Kufitare Kapshticë, se nga data 02.04.2024, prej orës 05:30, deri më datë 04.04.2024, në orën 05:30, pika doganore greke në Kapshticë, do të jetë e mbyllur për shkak të protestës nga sindikatat greke”, thuhet në njoftimin e policisë.
“Nuk do të lejohet qarkullimi i automjeteve, autobusëve dhe kamionëve. Do të lejohen të qarkullojnë vetëm këmbësorët, pa bagazhe, dhe automjetet që do kenë emergjenca shëndetësore. Policia e Shtetit është në kontakt të vazhdueshëm me autoritetet policore greke dhe do të ketë njoftime të tjera në kohën e duhur, për çdo ndryshim”.
Protesta 48-orëshe e doganave greke, Ambasada shqiptare: Merrni masat për udhëtimet e planifikuara
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Si u zbulua rrjeti ndërkombëtar i mashtrimi përmes call center, ku përfshihet dhe Shqipëria
-
Aksident tragjik në Durrës – Vritet në vendngjarje çiklisti, shoferi arratiset
-
EURO U-19/ Shqipëria njeh kundërshtarët në raundin kualifikues
-
Policia e Shtetit duhet të rrisë rezultatet dhe besimin e publikut, thotë Balla