Netanyahu shpërbën kabinetin e luftës

Kryeministri izraelit, Benjamin Netanyahu, ka shpërbërë kabinetin prej gjashtë anëtarësh të luftës.

Kështu deklaroi një zyrtar izraelit të hënën, në një lëvizje të pritshme që erdhi pas largimit nga qeveria të ish-gjeneralit centrist, Benny Gantz.

Netanyahu ishte përballur me kërkesa nga partnerët nacionalistë në koalicionin e tij, ministri i Financave Bezalel Smotrich dhe ministri i Sigurisë Kombëtare, Itamar Ben-Gvir, për t’u përfshirë në kabinetin e luftës, një veprim që do të kishte intensifikuar tensionet me partnerët ndërkombëtarë, përfshirë Shtetet e Bashkuara.

Kryetari i partisë së Unitetit Kombëtar Benny Gantz, një nga tre anëtarët e kabinetit, e mbylli koalicionin javën e kaluar, duke marrë me vete Gadi Eisenkot, një nga tre vëzhguesit e kabinetit të luftës.

Shpërbërja ishte parashikuar, pasi ministri i Sigurisë Kombëtare i ekstremit të djathtë Itamar Ben Gvir ka lobuar për t’u shtuar në forum.

Netanyahu pritet të marrë vendime kritike për luftën gjatë takimeve të vogla ad hoc pa Ben Gvir, ndërsa kërkon miratimin përfundimtar nga kabineti më i gjerë i sigurisë.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.