“U informova se do të shkoni në Shqipëri sot për një vizitë dy ditore. Do të takoni zyrtarë të lartë shtetërorë aty, për të folur mbi çështjet e integrimit evropian. Në emër të komunitetit MEK që po vuan në Shqipëri, dua t’Ju kërkoj ngritjen e zërit për të drejtat tona”.
Ky pasazh, është i shkruar në një letër që kreu i Shoqërisë Nejat, Ebrahim Khodabandeh, i ka shkruar Komisioneres Evropiane mbi Çështjet e Sigurisë, Ylva Johansson.
“Prej 2016-ës, muxhahedinët ndodhen në Manzë, në një kamp të largët dhe të izoluar”, shkruan Khodabandeh. “Atyre nuk u lejohen takimet me të afërmit. Madje, nuk kanë dëgjuar as zërat e fëmijëve, apo të kenë marrë një mesazh prej tyre”.
Duhet kujtuar se ky komunitet, u soll në Shqipëri në bazë të një marrëveshjeje me SHBA-në. Vendodhja e kampit, përfshi financimin, u bë nga vetë muxhahedinët. Pikërisht për këtë fakt, nuk mund të themi se ata po mbahen forcërisht në kampin e ndërtuar.
Sipas pretendimeve të Khodabandeh-ut, “qindra letra janë dërguar nga familjet e tyre drejt institucioneve shqiptare”. “Pavarësisht kërkesave të MEK-ut, Qeveria Shqiptare nuk garanton viza për shtetasit iranianë, që të vizitojnë familjarët e tyre në kamp”.
Shqetësim tjetër i ngritur ka qenë shpërthimi i pandemisë dhe kujdesi ndaj njerëzve në kamp. “Dhjetëra pjesëtarë të organizatës kanë vdekur nga Covid-19. Mungesa e kujdesit shëndetësor po vështirëson jetesën aty”.
Komisioneres Johansson i është kërkuar të kërkojë llogari në fund të letrës, për gjithë çështjet e parashtruara.
Reagim nga zyrtarja e lartë e BE-së, nuk ka pasur ende.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Forcimi i gjyqësorit është investimi më i mirë për të ardhmen e Shqipërisë, thotë Gonzato
-
Lejuan ndërtimin e paligjshëm në Patok, arrestohet drejtori i IMT-së në Kurbin dhe pezullohen inspektorët
-
Dokumentari i Rai 3: Ironi dhe akuza në Kuvendin e Shqipërisë
-
Bardhi: Kuvendi të distancohet nga sjellja e Ramës ndaj Rai 3
Lajmet kryesore
-
BE duhet të zgjerohet ose të përballet me ‘Perden e re të Hekurt’, paralajmëron Michel
-
Forcimi i gjyqësorit është investimi më i mirë për të ardhmen e Shqipërisë, thotë Gonzato
-
Liria e medias “rrezikshëm afër pikës së thyerjes” në disa vende të BE-së
-
Osmani kërkon mbështetjen e Zvicrës për anëtarësimin e Kosovës në KiE