Elon Musk ka fshirë një postim të dyshimtë në median sociale Twitter, në të cilin bënte një krahasim satirik midis kryeministrit kanadez, Justin Trudeau, dhe Adolf Hitlerit.
Musk, shefi ekzekutiv i kompanisë së makinave elektrike Tesla dhe personi më i pasur në botë, nuk iu përgjigj një kërkese për koment, shkruan agjencia mediatike “Bloomberg”.
50-vjeçari po i përgjigjej një postimi të bërë nga platforma e kriptomonedhave CoinDesk, në lidhje me urdhrat e Trudeau-t që t’u ndërpresin fondet protestuesve që kanë bllokuar pikat kufitare dhe kanë kampuar në kryeqytetin e Kanadasë.
Musk postoi në Twitter një foto të Hitlerit, me tekstin “Mos më krahasoni me Justin Trudeau” në krye dhe “Unë e kisha një buxhet” në fund.
Tweet-i shkaktoi reagime nga grupe të tilla si Komiteti Amerikan Hebre, një organizatë avokuese, e cila i bëri thirrje Musk të kërkonte falje për referencën ndaj diktatorit që urdhëroi gjenocidin e miliona njerëzve.
“Elon Musk ka ushtruar edhe një herë një gjykim jashtëzakonisht të dobët, duke përmendur Hitlerin për të vënë në dukje idetë e tij në mediat sociale”, tha grupi në një deklaratë.
“Ai duhet të ndalojë këtë sjellje të papranueshme”.
Polemika vjen pasi Tesla përballet me ankesa për diskriminim dhe ngacmimin racor.
Departamenti i Punësimit të Drejtë dhe Strehimit të Kalifornisë paditi Teslën javën e kaluar për diskriminim dhe ngacmim racor, pasi gjeti një model të përhapur keqtrajtimi të punëtorëve me ngjyrë në fabrikën e prodhuesve të makinave elektrike pranë San Franciskos.
Musk rrallëherë fshin tweet-et, por kjo nuk është e paprecedentë për të.
Pothuajse një vit më parë, ai fshiu një postim në Twitter, në të cilin shkruhet se Tesla mund të ishte në rrugën e duhur për t’u bërë kompania më e madhe në SHBA.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Qeveria regresin e Kosovës në lirinë e medias e arsyetoi me Veriun, Kusari: Është propagandë e pastër e pushtetit
-
Babai i Triumf Rizës: Në Kosovë kriminelët kanë më shumë vlerë se një polic
-
Drejtorët e Bashkisë Tiranë mbeten në burg, Apeli ia rrëzon kërkesën për lirim
-
Riadi thirrje për 3 deri në 5 vjet për krijimin e një shteti palestinez
Lajmet kryesore
-
Drejtorët e Bashkisë Tiranë mbeten në burg, Apeli ia rrëzon kërkesën për lirim
-
‘Shqipëria përkeqësim në lirinë e shtypit’, Rama: Qeveria e gatshme të marrë të gjitha përgjegjësitë
-
Ministrja gjermane: Rusët janë pas sulmeve kibernetike ‘të pa tolerueshme’ të vitit të kaluar
-
Regresi i Kosovës me 19-të vende në lirinë e medias, Qeveria: S’ishte vit i lehtë, ndikoi Veriu