Kreu i Partisë Socialdemokrate, Dardan Molliqaj, ka komentuar takimin e mbajtur të enjten në Bruksel mes kryeministrit të Kosovës, Albin Kurti, presidentit të Serbisë, Aleksandër Vuçiç dhe përfaqësuesit të lart të BE-së, Josep Borell.
Molliqaj përmes një shkrimi në rrjetin social ‘Facebook’ ka thënë se kryeministri e ka shuar idenë për ripërcaktimin e kufijve, por po e kthen fuqishëm Asociacionin.
“Llogaritë e Kurtit për ta zbatuar Asociacionin janë llogaritë e frikës për pushtetin e tij”.
“Ai e ringjalli fuqishëm idenë Asociacionit me kriterin etnik. Brenda idesë së defunksionalizimit të brendshëm të Kosovës, që për më tepër nuk do t ‘sigurojë as njohje e as ulëse në OKB”, ka shkruar ai.
Madje, sipas tij kreu i ekzekutivit erdhi në pushtet nga personazhet e tjerë.
“Fakti që ai u bë pjesë e këtij procesi, ku pozicionet e tij janë marrëveshjet e vitit 2011, nënkupton lëshim pe. Dhe jo që pozicionet e kaluara duhet mbajtur për ta ruajtur “fjalën e thënë”, por sepse pozicionet e reja të tij janë të vjetra dhe të dëmshme për Kosovën”.
Molliqaj, konsideron se me këta hapa të pushtetit nuk do të ketë një zgjidhje për dialogun.
“Mungesa e vizionit për dialogun është prania e tepruar e vetes, deri në verbëri brenda tij dhe rreth tij. Asnjë zgjidhje e qëndrueshme nuk do të vijë për sa kohë shikimi nuk shkon kah e ardhmja”.
Janë dashur dy raunde takimesh trepalëshe (Kosovë, Serbi, BE) takime veç veç (Kryeministri Albin Kurti dhe Josep Borell e Miroslav Lajcak) dhe (Aleksandër Vuçiç, Josep Borell e Miroslav Lajçak), dhe pesë orë bisedime në një dhomë të Komisionit Evropian, por rezultati ka qenë, pajtimi për një tjetër takim, i cili, megjithatë nuk dihet se kur do të ndodhë.
Takimi i Kurtit me Vuçiç e ndërmjetësuesit e Bashkimit Evropian ishte i treti (përfshirë dhe atë jo formal në Berlin).
Por, palët, siç u kumtua nga Borell, nuk e arritën mesin as pas 300 minutash bisedë pasi pozicionet fillestare ishin skajshmërisht të kundërta.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti: Anija e romaneve të Kadaresë do të lundrojë pafundësisht, për aq sa bota do të ketë lexues dhe shqipja shqiptarë
-
Konjufca: Kadare do të mbetet mbrojtësi më i madh i identitetit evropian të shqiptarëve
-
Osmani: Kadareja ishte simbol i lirisë për të gjithë – trashëgimia e tij do të mbetet përjetësisht në zemrat tona
-
Udhëtimi i Kadaresë nga poezia si përfytyrim, në tokën e Kosovës