Presidenti bjellorus Alexander Lukashenko i quajti mizoritë e trupave ruse në Bucha një “operacion special britanik”.
Deklarata e tij erdhi gjatë një takimi me presidentin rus Vladimir Putin, shkruan Albanian Post që i referohet mediave ukrainase.
“Sot diskutuam në detaje këtë operacion special ‘të tyre’. Një operacion psikologjik i kryer nga britanikët. Nëse keni nevojë për fjalëkalime, adresa dhe paraqitje, numrat e makinave me të cilat kanë mbërritur në Bucha, FSB-ja e Rusisë mund t’i sigurojë këto materiale”, deklaroi Lukashenko gjatë konferencës.
Nga ana tjetër, Putin u shpreh se ai i konsideronte krimet në Bucha “po aq të rreme sa përdorimi i armëve kimike nga Rusia në Mariupol”.
Presidenti rus shtoi se Lukashenko dyshohet se i ka dorëzuar atij “dokumente mbi provokimet në Bucha”.
Më herët, autoritetet ukrainase gjetën trupat e 400 viktimave.
Vdekja e dhunshme e tyre u konstatua pas largimit të trupave ruse nga vendbanimet e Bucha-s.
Në disa vende, forcat ruse i lanë të pushkatuarit në mes të rrugës.
Rusia mohon përfshirjen në krimet kundër civilëve, duke e quajtur tragjedinë e Bucha-s një “provokim” nga Ukraina.
Pas kësaj, BE vendosi një paketë të pestë sanksionesh kundër Rusisë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Rishfaqet qyteti shekullor teksa diga e Filipineve thahet gjatë valës së të nxehtit
-
Të ardhurat e Apple bien më pak nga sa pritej, pavarësisht fillimit të vështirë të vitit
-
14 ditët e fundit të regjistrimit të popullsisë – 1 milionë qytetarë u regjistruan
-
Ekspertët të shqetësuar për variantin e ri KP.2 të COVID në SHBA
