Komisioni për Ekonomi, Industri, Ndërmarrësi dhe Tregti ka miratuar propozim vendimin e Qeverisë, për emërimin e Bordit të Agjencisë Kosovare të Privatizimit.
Emrat të cilat qeveria ka propozuar për t’u bërë anëtarë të këtij bordi janë: Nazmi Mikollovci, Suzana Dautaj, Mentor Hyseni, Vjollca Jashari, Violeta Arifi Krasniqi, Xhevdet Neziraj, Halim Muqolli dhe Avni Ajdini.
Kryetari i këtij komisioni, Ferat Shala, ka kritikuar për kryesuesin e propozuar nga Qeveria, Nazmi Mikollovci, pasi sipas tij ka konflikt të madh të interesit.
“Problemi esencial është që saktësisht kryesuesi i propozuar ka konflikt të madh interesi me pozicionin qe dëshiron ta marr nga Kuvendi. Kandidati i propozuar ka punuar 7 vjet në Trepçë, do të thotë në periudhën që është dëmtuar më së shumti Trepça”, tha Shala.
Në anën tjetër, deputeti nga AAK-ja Pal Lekaj, u shpreh se në këtë propozim vendim nuk tregohet jetëgjatësia e këtij mandati.
“Sa i përket kandidatëve nuk i njoh, aty nuk kemi dëshmi se nuk janë kundërshtim me ligjin, po më intereson që ky mandat sa është, me mandat të plotë apo me çfarë e ka thënë Qeveria. Pasi e dimë që kjo agjenci do të shuhet. Këtu nuk tregon sa do të zgjas mandati. Më tepër është politike kjo.”
Por, deputetja Mimoza-Kusari-Lila, tha se nuk është kompetencë e Qeverisë që të përcaktojë mandatin e këtij Bordi.
“Detyra e këtij bordi do të jetë transformimi i tyre në Fondin Sovran”.
Ndërsa, deputeti i VV-së, Armend Muja, tha se AKP-ja është shkatërruar dhe në këtë pjesë partia e tij nuk ka gisht fare.
“Nëse i shihni numrat e vëreni sa është shkatërruar kjo ndërmarre, dhe për këtë VV-ja s’ka pasur fare të bëjë”.
Kurse deputetja Valentina Bunjaku-Rexhepi tha se njëherë është dashur të sillej plotësim-ndryshimi i ligjit dhe jo emrat puro-politik për bordin.
Kritika adresoi për Lëvizjen Vetëvendosje duke e sugjeruar që të ndërroj emrin në “Vetëkapje”, pasi sipas saj kjo e fundit ka kapur shtetin.
“Tani po e emëroni një bord puro-politik. Unë pajtohem me dy parafolësit e mi, jemi kundër. Është shumë mirë që qytetarët po e shohin se ju keni ardhur në pushtet me kauzën për ç’kapjen e shtetit por e keni kapur shtetin. Ju kisha propozu që Vetëvendosjes me ja ndërru emrin në “Vetëkapje”, tha Bunjaku-Rexhepi.
Në seancën e të mërkurës kryeministri Albin Kurti, ka miratuar propozimin e kandidatëve të rinj për anëtarë të Bordit të Agjencisë së Kosovës për Privatizim.
Ndërkaq, Qeveria e Kosovës më 23 mars të vitit 2020 kishte marrë vendim për pezullimin e pa afat të gjitha veprimeve në lidhje me pronat e paluajtshme që ka nën administrim Agjencia Kosovare e Privatizimit.
Kurse më një korrik të po të njëjtit vit, ekzekutivi kishte anuluar vendimin paraprak, ndërsa kishte kërkuar që të mos shpallen valë të reja të privatizimit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
KDI kërkon ndryshimin e ligjit të punës: Të iniciohet ligji i ri dhe të fillojë dialogu me palët
-
Konstatimi i DASH-it për korrupsion në Qeveri është i saktë, shikoni ndryshimin në veshjen e ministrave, thotë Haliti
-
Kusari-Lila pengohet të flasë në Kuvend, Bogujevci kërkon nga sigurimi ta largojë Shalën dhe Zybën nga seanca
-
Versioni i Trump: Sërish dhunë nëse nuk fitoj? Varet
Lajmet kryesore
-
Ali Ahmeti ‘Qytetar Nderi’ i Tiranës, Rama: Është ndër shqiptarët më të mirë të historisë kombëtare
-
Interpelanca/ Salianji: Situata e kriminalitetit është e rëndë, Balla: Në vitin 2023 niveli më i ulët i vrasjeve
-
Versioni i Trump: Sërish dhunë nëse nuk fitoj? Varet
-
Sulmet e Metës dhe paraqitja e Veliajt në SPAK, Gonzato: Nuk komentojmë hetimet, por e mbështesim prokurorinë