Për shefin e CIA-s, lufta në Ukrainë ka shqetësuar Xi Jinping dhe ka treguar se ka kufij për “miqësinë pa kufi” të shpallur mes Kinës dhe Rusisë.
William Burns është i bindur se “shqetësimi” ka ndikuar në llogaritjet për Tajvanin.
CIA nuk beson se rezistenca e papritur e ushtrisë ukrainase kundër fuqisë së tepërt të supozuar ruse ka shuar vendosmërinë e Pekinit për të rimarrë kontrollin e Tajvanit.
Thjesht hamendëson se koha dhe metodat po i nënshtrohen një rishikimi të kujdesshëm në dritën e “mësimit ukrainas”.
Konkluzioni i shërbimit sekret amerikan është se “Kina mbetet sfida më e madhe gjeopolitike për Shtetet e Bashkuara të Amerikës në planin afatgjatë”.
Politika ushtarake e Washington-it po has edhe vështirësi taktike ndaj kryeqytetit Taipei.
Akti i Marrëdhënieve me Tajvanin i vitit 1979 detyron qeverinë amerikane të furnizojë me armatime për mbrojtjen e ishullit demokratik.
Tani Pentagoni do të donte që tajvanezët të pajiseshin me sisteme armësh më të lehta, të përshtatshme për “luftë asimetrike”.
Qëllimi është që ushtria e Taipei-t të aftësohet, aq sa ta largojë armikun kinez nga përpjekjet për një pushtim.
Tajvani, vite më parë, ka buxhetuar 2.2 miliardë dollarë për të blerë 108 tanke M1A2 Abrams.
Ndërkohë, këshilltarët e Washington-it theksojnë se tanket do të ishin të padobishme, pasi përdorimi i tyre do të vinte vetëm pas zbarkimit masiv të kinezëve dhe përparimit të tyre të thellë.
Po ashtu, helikopterët MH-60R Seahawk do të ishin të papërshtatshëm për të luftuar ushtrinë e Pekinit.
Në vend të mjeteve të rënda, Washington-i dëshiron t’i furnizojë tajvanezët me raketa kundër luftanijeve: dronë të armatosur dhe njësi të lehta detare që do ta bënin flotën pushtuese të paguajë një çmim shumë të lartë.
Në Washington, ideja është të mos pritet shpërthimi i krizës për të dërguar furnizime, sepse kinezët mund të vendosin një bllokadë detare rreth ishullit.
Ata në Taipei kanë nevojë për artileri moderne si M109A6 Paladin, por me nevojat e frontit ukrainas, aktualisht as makina industriale amerikane nuk mund ta plotësojë kërkesën.
Marrë nga “Corriere della Sera”, përshtatur për “Albanian Post”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gjenerali ukrainas Skibitsky: Tani nuk mund të fitojmë, kështu që Evropa është në rrezik
-
Izraeli rihap vendkalimin Kerem Shalom
-
Dëshmi nga Rafahu: Situata është jashtë kontrollit, askush nuk beson se lufta mund të përfundojë
-
Gjermania kërkon që Kosova të dërgojë “sinjale të qarta” për ta siguruar votën në Këshillin e Evropës