Mehaj takon homologun turk: Turqia mbetet partner i yni në zhvillimin dhe forcimin e ushtrisë tonë
Ministri i Mbrojtjes, Armend Mehaj, është duke qëndruar për vizitë zyrtare në Turqi, dhe këtë të shtune është takuar me homologun e tij turk, Hulusi Akar.
Përmes një postimi në rrjetin social Facebook, Mehaj tha se me Akar ka diskutuar “për bashkëpunimin e shkëlqyer që kemi mes vendeve tona, bashkëpunim ky që do të thellohet edhe më tej pasi që jemi duke punuar në nënshkrimin e marrëveshjes SOFA, marrëveshjes për shkëmbim të personelit dhe marrëveshjen në fushën ushtarake të trajnimeve, teknikës dhe shkencës”.
Ndërkaq, Ministri turk i Mbrojtjes ka shprehur falënderimin dhe mirënjohjen për ndihmën që Kosova i ka ofruar Republikës së Turqisë me rastin e tërmetit.
“Reagimi ka qenë në një kohë shumë të shkurtër dhe trupat e FSK-së kanë dhënë maksimumin e tyre për të shpëtuar të mbijetuarit”, shkroi Mehaj në Facebook.
Po ashtu, Mehaj tha se “Turqia mbetet partner i yni në zhvillimin dhe forcimin e ushtrisë tonë”.
Përveç me homologun e tij turk, Mehaj gjithashtu ka pasur një takim të përbashkët me Ministrin e Industrive Strategjike të Ukrainës, Oleksandr Kamyshin, Ajzerbejxhanit, Zekir Hasanov si dhe Ministrin e Mbrojtjes të Burkina Faso, Aimé Berthelemy Simporé.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Si ‘gangsterët’ ballkanikë u bënë furnizuesit kryesorë të kokainës në Evropë
-
Lirimi nga burgu i themeluesit të Agimit të Artë zemëron antifashistët grekë
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit