Medvedev do të jetë pengesa e fundit e Alcaraz në finalen e Indian Wells për të rifituar renditjen si numri një i botës

Carlos Alcaraz mposhti Jannik Sinner në dy sete (7-6, 6-3) në gjysmëfinale të Indian Wells dhe në finale do të takohet me Daniil Medvedev.

“Të luash kundër Jannik nuk është kurrë e lehtë, më duhej të jepja maksimumin tim”, tha Alcaraz për një ndeshje në të cilën ai shpëtoi një set pikë në setin e parë.

Më herët, Medvedev kishte zgjatur serinë e tij të fitoreve në 19, duke shkuar në ndeshjen finale të turneut të mbajtur në tokën amerikane. Alcaraz është i vetëdijshëm për sfidën përpara.

“Daniil është një nga më të mirët në botë, ai është në një seri të pabesueshme fitoresh. Por unë mendoj se jam gati, dua të luaj kundër më të mirëve dhe të kem këtë lloj sfide”, tha ai në intervistën në fushë.

Nëse Alcaraz fiton, spanjolli mund të kurorëzohet sërish numri një, duke kaluar Novak Djokoviçin, si dhe duke qenë kampioni më i ri që ka fituar në Indian Wells dhe Miami.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.