Protesta para objektit të Qeverisë së Kosovës kundër abuzimit dhe dhunës ndaj grave, e organizuar nga Qendra për Art dhe Komunitet, Artpolis, u zhvillua në qetësi.
Kjo për shkak se, dhuna në familje ndaj grave dhe vajzave “po durohet në heshtje”.
Një numër i madh i grave dhe vajzave të veshura në të bardha, kanë marshuar drejt Qeverisë së Kosovës, me moton ““BOLL MA – Asnjë grua e vajzë më pak, asnjë vdekje më shumë”.
“Fakti që po e bëjmë këtë protestë në heshtje pa fjalë, vetëm me pamjen tonë është se shumica e grave në Kosovë, duhet të durojnë dhunën në heshtje dhe shpesh komuniteti, familja e institucionet e mbyllin derën dhe nuk duan të dëgjojnë, i mbyllin sytë dhe nuk duan t’i shohin”, është shprehur Zana Hoxha, drejtoreshë e Qendrës për Art dhe Komunitete, Artpolis.
“Heshtja jonë duhet të jetë edhe një zë i thirrjes për drejtësi për raportim, për demantim të gënjeshtrave që shpesh nuk u besohet grave, kërkojmë nga institucionet që të punojnë më shumë në parandalim, t’i marrin kërkesat e grave seriozisht”, shtoi ajo.
Ndryshe, Kryeministri i Kosovës, Albin Kurti, në ditën ndërkombëtare për eliminimin e dhunës ndaj grave kishte thënë se hapja e fushatës së 16 ditëve të aktivizimit “është thirrje për të dëshmuar zero tolerancë për dhunën ndaj grave dhe vajzave, për të fuqizuar zingjirin institucional dhe për të shpëtuar jetën e çdo gruaje apo vajze pa dallim moshe apo etnie”.
Ai para mediave kishte theksuar se luftimi i dhunës ndaj grave është prioritet i qeverisë sepse sipas tij, dhuna ndaj grave nuk është çështje private, “por çështje e sigurisë publike, shoqërore, kombëtare, e mbrojtjes së jetës dhe drejt njerëzore fundamentale”.
“Luftimi i dhunës ndaj grave do të jetë prioritet i yni i edukimit dhe formimit cilësor si parakushti ndryshimit të normës kulturore, fillimisht përmes qasjes së barabartë për të gjithë fëmijët në edukimin cilësor parashkollor, zvogëlimin e hendeqeve të pabarazive shoqërore, me një qëllim përfundimtar, krijimin e vlerave qytetare që në vegjëli”, ishte shprehur ai.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Johnson & Johnson do të paguajë 6.5 miliardë dollarë për të zgjidhur padinë për shkaktimin e kancerit
-
Gjenden 5 skelete pa duar dhe këmbë para shtëpisë së liderit nazist Hermann Göring
-
Vuçiçi bën llogaritjet e fundit: Do të jenë mes 29 dhe 33 vota pro Kosovës – mjaftojnë 31 për t’u anëtarësuar në Këshillin e Evropës
-
Universitetet në Francë të bllokuara nga demonstratat pro Palestinës
Lajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Turqia zyrtarizon ndalimin e tregtisë me Izraelin
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit