Presidenti i Republikës së Shqipërisë, Ilir Meta, deklaroi se vetëm lufta kundër kapjes së shtetit, mund të parandalojë falimentimin e Shqipërisë.
Reagimi i kreut të shtetit erdhi pas publikimit të një video-mesazhi në median sociale “Facebook”.
Meta denoncoi sakaq edhe “grabitjen e mafies së inceneratorëve”.
Kjo, përmes firmave të falsifikuara të qytetarëve që kanë ndërruar jetë prej 5 vitesh.
“Ndërsa për të marrë pensionin u kërkohet pensionistëve që të paraqiten fizikisht për të provuar se janë gjallë, miliona euro të taksapaguesve tanë grabiten nga mafia e inceneratorëve me firma të falsifikuara të qytetarëve, që janë ndarë nga kjo botë prej 5 vitesh”, vëren presidenti.
Sipas tij, krimi dhe kapja e shtetit ka kapërcyer çdo imagjinatë.
“Vetëm lufta e hapur kundër kapjes së shtetit dhe korrupsionit parandalon falimentimin e Shqipërisë. Koha nuk pret më!”, përmbylli qëndrimin e tij kreu i shtetit.
Prokuroria e Posaçme (SPAK) nisi verifikimet më 5 korrik pas denoncimit të kryetares së Lëvizjes Socialiste për Integrim, Monika Kryemadhi.
Kryemadhi deklaroi se 24 kompani kanë kryer 189 milionë dollarë evazion fiskal të lidhura me inceneratorët.
Më 4 korrik, Kryemadhi paralajmëroi se do t’i paraqesë të tjera prova SPAK-ut, sa i përket çështjes së inceneratorëve.
Sipas saj, janë 24 kompani, të cilat janë të lidhura me njëra–tjetrën dhe dyshohet se kanë kryer evazion fiskal me shtetasin Klodian Zoto, emri i të cilit lakohet me çështjen e inceneratorëve.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
GJKKO rrëzon sërish Berishën dhe Malltezin, lihen në arrest shtëpie
-
Basha: Meta është kartë e djegur, harxhim kohe të merrem me të
-
Prezantohet strategjia e menaxhimit të Financave Publike, Gonzato: Prek disa kapituj të integrimit evropian
-
Amnistia penale është atentat kundër reformës në drejtësi, thotë Basha
Lajmet kryesore
-
Prezantohet strategjia e menaxhimit të Financave Publike, Gonzato: Prek disa kapituj të integrimit evropian
-
Nga lufta ndaj krimit te pavarësia e prokurorëve, qeveria shpalos 4 rekomandime për SPAK dhe Prokurorinë
-
Ministrja gjermane: Rusët janë pas sulmeve kibernetike ‘të pa tolerueshme’ të vitit të kaluar
-
Kosova shënon regres për 19 vende në indeksin e “Reporterëve pa Kufij” – gazetarët vazhdojnë të jenë cak i sulmeve politike