Aktori i njohur belg, Jean-Claude Van Damme tanimë gjendet në një vizitë në Kosovë, derisa kësaj radhe, rastin për të pozuar karshi yllit të kinematografisë botërore, nuk e ka humbur dot, Kryetari i Komunës së Drenasit, Ramiz Lladrovci.
Përmes një postimi në mediat sociale, i pari i Drenasit, ka ndarë me ndjekësit e tij një fotografi me Van Damme, teksa aktorin e ka cilësuar si “mik të shqiptarëve dhe të Kosovës” si dhe e ka vlerësuar “kontributin e tij në favor të popullit shqiptar, kundër propagandës së huaj”.
Madje, Lladrovci postimit i ka dhënë edhe nuanca nacionaliste, përshtatur mënyrës së pozimit – dyshja bashkë, kishin krijuar shqiponjën, shenjën që simbolizon shqiptarët.
“Me artistin e mirënjohur botëror, Jean-Claude Van Damme, mikun e shqiptarëve dhe të Kosovës, në Prishtinë”, ka shkruar Lladrovci.
“Në botë kemi shumë miq që u gjenden pranë nesh, gjatë ballafaqimit të vazhdueshëm me propagandën e huaj. Van Damme ishte pranë dhe shfaqi respekt duke përkrahur Kosovën dhe shqiptarët. Shqiponja e bën dallimin”, ka shtuar ai.
Ylli i filmit “Bloodsport”, pos për talentin e tij në aktrim, njihet edhe për marrëdhëniet e mira me politikanë të ndryshëm, në veçanti me presidentin e Rusisë, Vladimir Putin.
Kohë më parë, ai kishte thënë se “prioriteti i parë i Amerikës do të duhej të ishte krijimi i marrëdhënieve me Rusinë”, shkruan TMZ, transmeton AlbanianPost.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Rishfaqet qyteti shekullor teksa diga e Filipineve thahet gjatë valës së të nxehtit
-
Të ardhurat e Apple bien më pak nga sa pritej, pavarësisht fillimit të vështirë të vitit
-
14 ditët e fundit të regjistrimit të popullsisë – 1 milionë qytetarë u regjistruan
-
Ekspertët të shqetësuar për variantin e ri KP.2 të COVID në SHBA
