Leicester City ngjitet në Premier League pas vetëm një viti në Championship

Leicester City është promovuar në Premier League falë humbjes 4-0 të Leeds United ndaj Queens Park Rangers në “Loftus Road” të premten në mbrëmje.

“Dhelprat” hapën një avantazh vendimtar në atë që ka qenë një betejë magjepsëse në krye të Championship-it, duke fituar ndaj Southampton 5-0 në stadiumin “King Power” të martën mbrëma.

Kjo hapi një epërsi prej katër pikësh ndaj Leeds-it të vendit të dytë dhe një avantazh prej pesë pikësh ndaj Ipswich Town, që do të thotë se humbja e United në ndeshjen e tyre të parafundit të sezonit do të vuloste promovimin e Leicester-it.

Shpresat e vetë Leeds nuk kanë mbaruar pas këtij rezultati shkatërrues, dhe ata ende qëndrojnë në vendin e dytë në tabelë, por fati i tyre tani është larg nga duart e tyre me Ipswich vetëm një pikë prapa dhe që ka luajtur dy ndeshje më pak.

Ipswich i vendit të tretë mund të përfundojë ende mbi Leicester-in në tabelë, kështu që titulli mbetet për t’u rrëmbyer, por “Tractor Boys” do të përqendrohen para së gjithash në sigurimin promovimit.

Tani ekziston mundësia që ata ta bëjnë këtë pa u mbështetur në ndonjë dramë të ditës së fundit, me fitoret ndaj Hull City të shtunën mbrëma dhe më pas Coventry City të martën mbrëma të mjaftueshme për t’i promovuar.

Nëse Ipswich dështon të fitojë asnjërën nga ato ndeshje, atëherë gjërat do të shkojnë në ditën e fundit, por skuadra e Kieran McKenna tani duhet të konsiderohet si favorit i fortë për t’u rikthyer në Premier League për herë të parë që nga viti 2001-02.

Ndërkohë, Leeds duhet të shpresojë për favore nga diku tjetër nëse do të shmangë play-off-in, dhe gjithashtu duhet të gjejë një mënyrë për të përballuar humbjen e tyre më të rëndë në ligë të sezonit në një fazë kaq vendimtare të tij.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.