Kryeministri i Kosovës, Albin Kurti, ka uruar Pedro Sanchez-in për rizgjedhjen e tij si Kryeministër i Spanjës.
Urimin e tij për homologun spanjoll kryeministri Kurti e ka bërë përmes një postimi në llogarinë e tij në platformën X.
“Javën e kaluar në Kongresin e Partive Socialiste Evropiane në Malagas, u riafirmua se Evropa jonë progresive mund të mbështetet të PSOE për të ndalur ngritjen e së djathtës ekstreme. Urimet më të mira për suksese të vazhdueshme”, ka shkruar Kurti.
Congratulations to the reelected Prime Minister of Spain, Pedro Sanchez (@SanchezCastejon). Last week in Malaga's @PES_PSE, it was reaffirmed that our progressive Europe can count on @PSOE to halt the rise of far-right. Best wishes for continued success.
— Albin Kurti (@albinkurti) November 17, 2023
Spanja është njëra nga pesë vendet – së bashku me Greqinë, Sllovakinë, Qipron dhe Rumaninë – anëtare të Bashkimit Evropian që nuk e kanë njohur ende pavarësinë e Kosovës.
Ndryshe, Pedro Sanchez fitoi mbështetjen e shumicës së ligjvënësve në parlamentin e Spanjës për të formuar një qeveri të re të enjten e 16 nëntorit, duke i dhënë fund ngërcit politik katër mujor në Madrid.
Kryeministri 51-vjeçar mbizotëroi në një votim në parlamentin e Spanjës, me 350 vende, duke marrë vota po nga çdo grup i majtë dhe separatist.
Në total, 179 ligjvënës e mbështetën Sanchez-in.
Të shtatë ligjvënësit që i përkisnin partisë separatiste katalane Junts, e cila kishte fuqinë ose ta bënte Sanchezin kryeministër ose ta detyronte Spanjën të zhvillonte zgjedhje të reja, votuan në favor të tij.
Fitorja e Sanchez-it në parlament përfundon një periudhë trazirash politike që nisi në maj, kur udhëheqësi socialist shpalli zgjedhje të parakohshme pasi partia e tij pësoi humbje shkatërruese në zgjedhjet rajonale dhe lokale në mbarë vendin.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Të ardhurat e Apple bien më pak nga sa pritej, pavarësisht fillimit të vështirë të vitit
-
14 ditët e fundit të regjistrimit të popullsisë – 1 milionë qytetarë u regjistruan
-
Ekspertët të shqetësuar për variantin e ri KP.2 të COVID në SHBA
-
Franca vlerëson se 150 mijë ushtarë rusë janë vrarë në luftën në Ukrainë