Kryesuesi i Akademisë së Shkencave dhe Arteve të Kosovës, Mehmet Kraja, konsideron se Kosova është fiksuar pas dialogut me Serbinë, dhe se një gjë e tillë nuk bën të jetë. Kjo ngase ai konsideron se dialogu duhet të shihet si një punë krejtësisht normale, dhe jo të ekzagjerohet.
“Një përmbledhje marrëveshjesh, të cilat, po i lexove me kujdes, e sheh se kemi qenë jo shumë seriozë në këtë punë”, ka thënë Kraja pë Klan Kosova.
Akademiku kosovar, madje thotë se në shqyrtimin e këtyre marrëveshjeve “nuk merret vesh se kush i ka bërë kështu”.
“Nuk kuptohet gjë se pse janë bërë në këtë formë. Nuk kuptohet se kush me kënd dialogon”, ka potencuar kreu i AShAK-ut.
Kraja ka komentuar edhe mbi çështjen më problematike të prodhuar si rezultat i dialogut Kosovë-Serbi, që është (mos)formimi i Asocacionit të Komunave me shumicë serbe.
“Nëse Serbia e ndryshon Kushtetutën e saj, e njeh Kosovën dhe sovranitetin e saj, dhe integritetin e saj territorial, atëherë asnjë problem nuk ka që Kosova të formojë çfarëdo asociacioni”, konsideron ai.
Gjithashtu kryeakademiku i Kosovës, komentoi edhe Dhomat e Specializuara në Hagë, ku po gjykohen ish-krerët e Ushtrisë Çlirimtare të Kosovës, e cila tha se është e padrejtë.
Sipas tij, kjo gjë ka bërë që “agresori dhe viktima” të barazohen.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Lirimi nga burgu i themeluesit të Agimit të Artë zemëron antifashistët grekë
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit