KMDLNJ kërkon leje për të vizituar shqiptarët e arrestuar në Serbi: Mungojnë informacione për trajtimin e tyre
Këshilli për Mbrojtjen e të Drejtave dhe Lirive të Njeriut (KMDLNJ), ka kërkuar që dy shqiptarët e fundit që janë arrestuar në pikëkalimin kufitar në Merdarë, të vizitohen nga organizatat për të drejtat e njeriut.
KMDLNJ, përmes një komunikate për media ka thënë po u mungojnë informatat për trajtimin e tyre.
“Qytetarët shqiptarë që po arrestohen nuk kanë asnjë mundësi të vizitohen nga organizatat për të drejtat e njeriut, as nga Kosova e as nga Serbia andaj mungojnë informatat për trajtimin e tyre dhe realizimin e të drejtave të njeriut, si persona të privuar nga liria. Gjithashtu, kanë probleme për sigurimin e një mbrojtjeje efektive ligjore”.
“Në anën tjetër, shtetasit e Serbisë që mbahen në qendrat e paraburgimit dhe ato korrektuese vizitohen pa asnjë pengesë nga autoritetet kosovare dhe trajtimi i tyre është 100% në përputhje me ligjin dhe standardet ndërkombëtare për persona të privuar nga liria”, është thënë nga KMDLNJ.
Sipas tyre, duhet të krijohet një mundësi që ata të takohen nga monitoruesit e pavarur.
“Duhet të krijohet një mundësi që shtetasit kosovarë që aktualisht janë në burgjet e Serbisë të vizitohen nga monitorues të pavarur sikur që edhe shtetasit e Serbisë që mbahen në burgjet e Kosovës, gjithashtu të vizitohen nga monitorues të pavarur”.
“Në të kundërtën gjithmonë do të krijohet një mundësi dhe hapësirë për spekulime nga pozita e përfitimit politik”.
Më 1 qershor, autoritet e Serbisë kanë arrestuar një shqiptar të Kosovës në pikën kufitare në Merdarë, duke pretenduar se i njëjti dyshohet për “krime lufte”.
Ministri i Punëve të Brendshme të Serbisë, Ivica Daçiç, ka thënë se Tefik Mustafa, është arrestuar për “krime lufte kundër civilëve në Kosovë”.
Në komunikatën e lëshuar nga MPB-ja serbe, pretendohej se Mustafa, “si pjesëtar i UÇK-së [Ushtrisë Çlirimtare të Kosovës], në deklaratat e dëshmitarëve përmendej si pjesëmarrës në rrëmbimin e policëve Goran Marinkoviç, Zhivojin Paviç dhe Predrag Millosheviç, më 19 qershor 1999 në rrugën Prishtinë – Gjilan, të cilëve u humbën të gjitha gjurmët”.
Lidhur me këtë rast nuk ka pasur ende asnjë reagim nga institucionet e Kosovës.
Ky nuk është rasti i vetëm kur Serbia arreston qytetarë të Kosovës, duke i akuzuar ata për krime të pretenduara lufte.
Jo më larg se më 17 prill, autoritetet serbe e arrestuan shtetasin Sadik Duraku, nën dyshimet “për krime lufte”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ulutas e Zupançiç diskutojnë mbi situatën e sigurisë në Kosovë
-
“S’ka bazë ligjore”, “për efekte elektorale”, “me letra s’arrihet rezultat”, thonë juristët për kërkesën e Haxhiut ndaj Serbisë
-
Kurti uron Kryeministrin e ri të Holandës: Mezi pres të vazhdojmë bashkëpunimin
-
Selmanaj, Kurtit: Pse u dorëzove kaq shpejtë, kushtet e tua s’qëndruan as një javë
Lajmet kryesore
-
Ceremoni Shtetërore për nderimin dhe përcjelljen e fundit të Kadaresë
-
Begaj pritet nga presidenti polak: Të interesuar për më tepër investime në infrastrukturë dhe turizëm
-
Melénchon dhe ambiciet prej kryeministri që shqetësojnë aleatët në të majtë
-
Çfarë “zararesh” mund të presë Kosova nga presidenca hungareze e BE-së?