Kili me plan të ri për racionimin e ujit, teksa thatësira hyn në vitin e 13-të

Autoritetet kiliane kanë njoftuar një plan për racionimin e ujit për kryeqytetin e Santiago-s (qytet me afro 6 milionë banorë), shkruan “The Guardian”.

“Një qytet nuk mund të jetojë pa ujë”, tha Claudio Orrego, guvernatori i rajonit metropolitan Santiago, në një konferencë për shtyp.

“Dhe ne jemi në një situatë të paprecedentë në historinë 491-vjeçare të Santiagos, ku duhet të përgatitemi që atje të mos ketë ujë të mjaftueshëm për të gjithë ata që jetojnë”.

Plani përmban një sistem alarmi me katër nivele, që shkon nga e gjelbër në të kuqe dhe fillon me njoftimet e shërbimit publik, kalon në kufizimin e presionit të ujit dhe përfundon me ndërprerje të ujit me rrotullim deri në 24 orë për rreth 1.7 milionë klientë.

Sistemi i alarmit bazohet në kapacitetin e lumenjve Maipo dhe Mapocho, të cilët furnizojnë kryeqytetin me pjesën më të madhe të ujit dhe kanë parë ulje të nivelit të ujit, ndërsa thatësira po afron.

Peshkatari i Antofagastas, Eduardo Munoz, thotë se impianti i shkripëzimit të ujit ka ulur përgjysmë kapjen e tij.

Qeveria vlerëson se disponueshmëria e ujit të vendit ka rënë 10% në 37% gjatë 30 viteve të fundit dhe mund të bjerë edhe 50% në Kilin Verior dhe Qendror deri në vitin 2060.

Deficiti i ujit në lumenj, i matur në litra në sekondë, do të përcaktojë nëse racionimet do të bëhen çdo 12, gjashtë apo katër ditë.

Në secilin rast, një zonë e ndryshme do të përballet me ndërprerje të ujit çdo ditë.

“Kjo është hera e parë në histori që Santiago ka një plan racionimi të ujit, për shkak të ashpërsisë së ndryshimeve klimatike”, tha Orrego.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.