Ushtria amerikane ka çaktivizuar shumë prej avionëve dhe automjeteve të blinduara, si dhe një sistem të teknologjisë së lartë të mbrojtjes nga raketat në aeroportin e Kabulit.
Këtë e pohoi shefi i Komandës Qendrore, gjenerali Kenneth McKenzie para se trupat e fundit amerikane të largoheshin të hënën e 30 gushtit.
McKenzie sqaroi në deklaratën e tij se 73 avionët që gjenden në Aeroportin Ndërkombëtar “Hamid Karzai”, ishin “të çmilitarizuar” ose të padobishëm.
“Ata avionë nuk do të fluturojnë kurrë … Ato nuk do të jenë në gjendje të operohen nga askush”, tha ndër të tjera gjenerali.
McKenzie tha se Pentagoni, i cili krijoi një forcë prej gati 6 mijë trupash për të pushtuar dhe operuar aeroportin e Kabul-it kur filloi transporti ajror më 14 gusht, la pas rreth 70 automjete taktike të blinduara MRAP.
Vlera e tyre shkon deri në 1 milion dollarë secila.
Automjetet “nuk do të përdoren kurrë më nga askush”, tha ai.
Shtetet e Bashkuara gjithashtu lanë pas sistemin C-RAM-kundër-raketë, artileria dhe mortaja që u përdor për të mbrojtur aeroportin nga sulmet me raketa.
Sistemi ndihmoi në shmangien e breshërisë me pesë raketa nga Shteti Islamik (IS) të hënën e 30 gushtit.
“Ne zgjodhëm t’i mbanim ato sisteme në funksion deri në minutën e fundit”, para se të largohej avioni i fundit amerikan, tha McKenzie.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Rishfaqet qyteti shekullor teksa diga e Filipineve thahet gjatë valës së të nxehtit
-
Të ardhurat e Apple bien më pak nga sa pritej, pavarësisht fillimit të vështirë të vitit
-
14 ditët e fundit të regjistrimit të popullsisë – 1 milionë qytetarë u regjistruan
-
Ekspertët të shqetësuar për variantin e ri KP.2 të COVID në SHBA