Inspektorati Policor i Kosovës (IPK), ka bërë të ditur të enjten se kanë nisur hetimet preliminare për të vlerësuar reagimin policor në menaxhimin e protestës së Partisë Socialdemokrate (PSD), që u mbajt të mërkurën e 29 nëntorit.
Ankesa për menaxhimin e protestës nga ana e Policisë së Kosovës, ka pasur nga gazetarët, me një reagim publik kishte dalur edhe Asociacioni i Gazetarëve të Kosovës (AGK).
“Hetuesit e IPK-së aktualisht janë në fazën e grumbullimit të informacioneve dhe analizimit të pamjeve të ndryshme përfshirë edhe ato që tashmë janë publikuar”, thuhet në njoftimin për media të IPK-së.
Asociacioni i Gazetarëve të Kosovës (AGK), të mërkurën, është shprehur “tejet i shqetësuar”, pasi që në protestën e organizuar nga Partia Socialdemokrate (PSD), kundër vizitës së vizitës së kryetares së Dhomave të Specializuara të Kosovës në Hagë, Ekaterina Trendafilova, u hodh sprej dhe gaz lotsjellës në drejtim të gazetarëve.
Për AGK-në, kjo sjellje e Policisë së Kosovës është “absolutisht e papranueshme dhe e dënueshme”, andaj i kanë bërë thirrje që të respektojnë punën e gazetarëve, si dhe të mos i pengojnë ata gjatë kryerjes së detyrave të tyre profesionale.
Nga AGK, kanë bërë me dije se nga ky veprim i policisë, janë pësuar gazetarët Elmedina Ballazhi dhe Pleurat Salihu, i cili edhe është alivanosur, Hasan Hoti dhe Rrahman Osmani, si dhe të tjerë.
Aktivistë të Partisë Socialdemokrate nëpërmjet protestës ku u përdor gazi lotsjellës dhe mjete shpërthyese e kanë kundërshtuar vizitën e kryetares së Dhomave të Specializuara me seli në Hagë, Ekaterina Trendafilova.
Gjatë përplasjes së tyre me Policinë e Kosovës janë arrestuar gjashtë anëtarë të kësaj partie.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ahmeti: Kjo është Tirana e Adem Jasharit, kjo është Tirana edhe e Zahir Pajazitit
-
Murati arsyeton Raportin e DASH-it: Kuantitativisht ka përgjysmim të korrupsionit, përpiluesi ka rënë pre e dezinformatave të mediave
-
Ali Ahmeti ‘Qytetar Nderi’ i Tiranës, Rama: Është ndër shqiptarët më të mirë të historisë kombëtare
-
Gjykata i lë në paraburgim Naim Murselin dhe dy të dyshuarit e tjerë për vrasjen e Liridona Ademajt
Lajmet kryesore
-
Ali Ahmeti ‘Qytetar Nderi’ i Tiranës, Rama: Është ndër shqiptarët më të mirë të historisë kombëtare
-
Interpelanca/ Salianji: Situata e kriminalitetit është e rëndë, Balla: Në vitin 2023 niveli më i ulët i vrasjeve
-
Në ujërat greke, aty ku vendet evropiane mësojnë të luftojnë pa ndihmën amerikane
-
Sulmet e Metës dhe paraqitja e Veliajt në SPAK, Gonzato: Nuk komentojmë hetimet, por e mbështesim prokurorinë