Ministrja e Industrisë, Ndërmarrës dhe Tregtisë, Rozeta Hajdari, ka takuar Ambasadorin e Shteteve të Bashkuara të Amerikës, Jeffrey Hovenier, ku me ç’rast ajo ka folur mbi objektivat e dikasterit të cilën ajo e drejton lidhur me zhvillimin e industrisë, dhe tërheqjen e investimeve me qëllim të rritjes së punësimit dhe përmirësimit të bilancit tregtar.
Në njoftimin e Ministrisë në fjalë thuhet se Hajdari dhe Hovenier kanë vlerësuar bashkëpunimin në mes të dy vendeve mike dhe kanë ritheksuar gatishmërinë për intensifikimin e bashkëpunimit në fushat që mbështesin zhvillimin ekonomik dhe integrimin euroatlantik të Kosovës.
Ndryshe, Ambasadori amerikan ka konfirmuar mbështetjen e plot të shtetit të tij, me fokus të veçantë, subjektivitetin e Kosovës në arenën ndërkombëtare, rritjen ekonomike dhe qeverisjen e mirë.
“Në takimin tim të parë me ministrin e Tregtisë Hajdari, rikonfirmova përkushtimin e SHBA-së për të ndihmuar Kosovën në ndërtimin e një ekonomie të qëndrueshme që tërheq investime të huaja dhe krijon vende pune dinamike për të gjithë qytetarët e Kosovës, përfshirë të rinjtë”, ka shkruar Hovenier në rrjetin e tij social në Twitter.
In my first meeting with Trade Minister Hajdari yesterday, reaffirmed the U.S. commitment to assist Kosovo in building a sustainable economy that attracts foreign investment & creates dynamic jobs for all Kosovan citizens, including youth. https://t.co/uRYl7FutPj pic.twitter.com/8qmBfX3RCR
— Ambassador Jeff Hovenier (@USAmbKosovo) March 8, 2022
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
