Haradinaj për kancelaren Merkel: Një mike e madhe e Kosovës po mbaron mandatin e saj

Lideri i Aleancës për Ardhmërinë e Kosovës, Ramush Haradinaj ka reaguar për mbarimin e mandatit të kancelarës gjermane, Angela Merkel, ai ka thënë se Merkel po kryen mandatin e saj dhe po largohet nga skena politike.

“Një mike e madhe e Kosovës po mbaron mandatin e saj”, ka shkruar Haradinaj në Facebook.

Ai tutje është shprehur se për 16 vite Merkel ka qëndruar pranë Kosovës.

“Angela Merkel për gjashtëmbëdhjetë vjet kancelare e Gjermanisë, ishte pranë Kosovës, me përkushtim të lartë për ruajtjen e paqes, promovimin e demokracisë dhe forcimin e subjektivitetit ndërkombëtar të Kosovës”.

Haradinaj ka thënë se do të vazhdoj të jetë mirënjohës ndaj kancelarës gjermane.

“Thellësisht mirënjohës Kancelare Merkel. Ishte nder të punoja me ju”.

Më 2 dhjetor, në një mënyrë tërësisht tradicionale, një javë përpara se ta lerë tërësisht dhe përfundimisht jetën politike, Angela Merkel-it iu rezervua një ceremoni për largimin e saj pas 16 vjetësh nga Kancelaria gjermane.

Në 16 vitet si kancelare, Angela Merkel i ka vënë vulën politikës së jashtme gjermane. Roli i Gjermanisë në botë është rritur, bashkë me të edhe sfidat e politikës së jashtme.

Banda frymore ushtarake, luajti për të tinguj të muzikës punk, sipas kërkesës. Pandemia, nuk e lejoi gjithsesi të kishte të pranishëm shumëkënd.

Me trëndafila në dorë për largimin e saj, Merkel pa jashtë nga makina kryeministrore, teksa përshëndeste të pranishmit.

Me betimin e Olaf Scholz në krye të vendit, Angela, do të kujtohet për katër mandatet e trashëgimisë së Merkel-it në politikën evropiane.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.