Kryetari i Aleancës për Ardhmërinë e Kosovës, Ramush Haradinaj, përmes një shkrimi në llogarinë e tij në Facebook, ka njoftuar se pas mbledhjes së kryesisë së kësaj partie është vendosur që të mbështetet propozimi evropian për normalizimin e marrëdhënieve mes Kosovës dhe Serbisë.
“Kushdo që e kundërshton dhe tenton ta pengojë i bën dëm të madh vendit”, vlerësoi Haradinaj, prandaj edhe “qëndrimi i Aleancës për Ardhmërinë e Kosovës në mbështetje të propozimit evropian për normalizim të marrëdhënieve Kosovë-Serbi, është qëndrim pro interesave nacionale e shtetërore”.
Tutje, ai konsideroi se kjo marrëveshje është një arritje e madhe, “duke pasur parasysh rrethanat në të cilat ndodhemi si shtet”, teksa vazhdoi duke thënë se ky qëndrim është rikonfirmim i mbështetjes ndaj kësaj marrëveshje.
Po ashtu, Haradinaj bëri me dije bindjen e tij për këtë marrëveshje duke e vlerësuar se “kjo i mundëson Kosovës hapjen e perspektives integruese euro-atlantike dhe arritjen e njohjeve të reja”.
“Ky qëndrim është tërësisht në interes të vendit dhe pa ndonjë kalkulim elektoral, AAK vlerëson ndihmën e aleatëve tanë, në veçanti të ShBA-së ndaj arritjes së kësaj marrëveshje”, shtoi ai.
Ndryshe, në takimin e nivelit të lartë në Bruksel mes kryeministrit Albin Kurti dhe presidentit serb, Aleksandër Vuçiç u arrit një dakordim që Kosova dhe Serbia të zhvillojnë një proces negociator mbi bazën e 11 pikave të atij që quhet tash zyrtarisht “Marrëveshja për rrugën e normalizimit mes Kosovës dhe Serbisë”.
Marrëveshja do të përmbajë një Aneks që synon të sigurojë zbatimin e të gjitha dispozitave të saj. Aneksi ka mbetur që të negociohet. Në momentin që ka pajtim për Aneksin, i gjithë instrumenti, Preambula, 11 nenet dhe dispozitat për implementimin mund të nënshkruhen.
Çështja më e rëndësishme në marrëdhëniet ndërshtetërore mes Kosovës dhe Serbisë vazhdon të mbetet Asociacioni i Komunave me shumicë serbe, derisa më 18 mars në Ohër të Maqedonisë së Veriut, palët duhet të pajtohen me krejt çfarë u është kërkuar nga BE-ja dhe SHBA-të.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Bardhi nga protesta e opozitës: Policia nuk po lejon këshilltarët të futen në zyra
-
Ahmeti, nacionalistëve maqedonas: Mos ma bëni ujin mullar, po ma bëtë s’dihet si u dalin punët
-
Si ia futën kot Osmani e Haxhiu për “padinë për gjenocid në Strasburg”, juristët përqeshin presidenten e ministren
-
Mbledhja e Këshillit Bashkiak, miratohet dhënia e titullit “Qytetar Nderi” për Ali Ahmetin
Lajmet kryesore
-
Ekskluzive: Liburn Aliu e Naser Hafizi ia mbyllin kompanisë “Arbëria – Uji Alpet” borxhin prej 2.2 milionë eurove për vetëm 23 mijë euro
-
Veliaj: Analistët më sulmojnë se nuk u kam realizuar favoret e kërkuara
-
Zemërimi i të pafavorizuarve të Evropës – një votë në 3, pre e sovranistëve
-
BBC pyet Kurtin: Pse e latë Radoiçiçin të lirë kur e kishit rrethuar?