Haradinaj kërkon që shqiptarët në Luginën e Preshevës të dalin në mënyrë masive në zgjedhjet në Serbi
Kryetari i Aleancës për Ardhmërinë e Kosovës, Ramush Haradinaj, i ka bërë thirrje të gjithë shqiptarëve në Komunat e Preshevës, Medvegjës e Bujanocit që të dalin në mënyrë masive në zgjedhjet parlamentare dhe lokale më 17 dhjetor në Serbi.
“Duke e ditur diskriminimin që po u bëhet shqiptarëve në të gjitha format nga regjimi serb, do të jetë shumë i nevojshëm një përfaqësim sa më i madh në Parlament, në mënyrë që të mbrohen interesat shqiptare dhe të njoftohet opinioni për padrejtësitë dhe shkeljet e të drejtave të shqiptarëve atje”.
Në mesnatën e së enjtes ka filluar heshtja zgjedhore në Serbi, e cila do të zgjasë deri më 17 dhjetor në orën 20:00, atëherë kur do të mbyllen qendrat e votimit.
Në Serbi, më 17 dhjetor, do të mbahen zgjedhjet parlamentare, si dhe ato lokale – vetëm në 65 komuna, përfshirë Beogradin.
Në këtë garë, forcat kryesore janë Partia Progresive Serbe (SNS), e presidentit serb Aleksandër Vuçiç, dhe koalicioni i përbërë nga parti opozitare “Serbia kundër dhunës”.
Në bazë të disa sondazheve që janë publikuar ditëve të fundit, e kanë nxjerrë të parën me mbi 40 për qind SNS-në.
Opozita serbe ka kritikuar vazhdimisht SNS-në – e cila ka pushtetin në Serbi që 10 vjet – se ka përdorur pushtetin për të ndikuar tek qytetarët serbë në orientimin e votës së tyre.
Në këto zgjedhje, do të marrë pjesë edhe lista “Beteja politike e shqiptarëve vazhdon – Shaip Kamberi”, ku synohet që Kamberi ta marrë edhe një mandat në Parlamentin e Serbisë, si deputeti i vetëm shqiptar atje.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ka vdekur Steve Albini, producenti legjendar i Nirvana
-
Numërohen afër 95% e votave: “Fronti Evropian” ka 18 deputetë, “VLEN” 13
-
O’Brien, Escobar e Lajçak “diskutim të rëndësishëm” mbi strategjinë për të çuar përpara Kosovën e Serbinë në dialog
-
Shtetet e Bashkuara pezullojnë dërgimin e bombave në Izrael
Lajmet kryesore
-
Numërohen afër 95% e votave: “Fronti Evropian” ka 18 deputetë, “VLEN” 13
-
Rama ‘habitet’ me opozitën greke dhe kupton perspektivën e Mitsotakisit për vizitën e tij në Athinë
-
Ahmeti: Jemi fitues me mbi 30 mijë vota, qytetarët janë për anëtarësim në BE
-
O’Brien, Escobar e Lajçak “diskutim të rëndësishëm” mbi strategjinë për të çuar përpara Kosovën e Serbinë në dialog