Gwen Stefani thotë se jeta me Blake Shelton “thjesht funksionon” – pavarësisht stileve të tyre të ndryshme të jetesës

Këngëtarja, Gwen Stefani dhe muzikanti, Blake Shelton mund të mos jenë çifti më konvencional – por sigurisht që janë ndër më të ëmblit.

Gjatë fundjavës, këngëtarja e “Cool” ndau një video të TikTok që vinte në pah martesën e tyre të lumtur, shkruan People, transmeton AlbanianPost.

@gwenstefani it just works ♥️ @Blake Shelton ♬ True Babe – Gwen Stefani

“Kur je me një djalë nga Oklahoma që nget traktorë dhe ti je nga Orange County, por thjesht funksionon”, ka shkruar Stefani, 53 vjeçe, mbi videon me Shelton, 47 vjeç.

Videoja përmban një përmbledhje pamjesh të ëmbla që demonstrojnë kontrastin në stilin e tyre të jetesës. Videoja është vendosur edhe për këngën e re të Stefanit “True Babe”.

“Ne jemi nga dy botë të ndryshme. Por ju ende mund të më quani vajzën tuaj të bukur, vajzën e bukur,” këndon ajo.

Stefani ka lindur dhe është rritur në Kaliforni ndërsa, Shelton është nga fshati Oklahoma. Dyshja u takuan, ndërsa stërvitnin konkurrentët në “The Voice” në vitin 2014.

Në vitin 2021, ata u martuan në fermën e këngëtarit në Tishomingo gjatë fundjavës së katër korrikut. Çifti festuan përvjetorin e tyre të dytë muajin e kaluar.

Ajo kohët e fundit pati mundësinë të lavdëronte bashkëshortin e saj në publik kur ai mori një yll në bulevardin “Hollywood Walk of Fame” në muajin maj, pasi ajo i tha turmës se ai ishte “ëndrra e saj e realizuar”.

“Ai është i përulur, ai është i sinqertë dhe më besoni, kudo që të shkojmë, të gjithë ndihen sikur e njohin Blake Shelton”, tha ajo.

“Blake, ti je një qenie njerëzore e rrallë dhe për gjithë suksesin që ke pasur në jetën tënde si këngëtar, kompozitor, muzikant, interpretues, aktor, komedian, sipërmarrës, je i njëjti djalë. Një djalosh me dashuri për muzikën country. Ai është magnetik, personi më bujar që do të njihni ndonjëherë dhe gjithmonë vetëm ai. Pavarësisht se ku shkon, i bën njerëzit të lumtur dhe të qeshin”, pati shtuar Stefani.

Ndërsa Stefani përfundoi fjalimin e saj, Shelton tha me krenari “Kjo është gruaja ime” dhe ata ndanë një përqafim dhe një puthje.

Këngëtari i “God’s Country” më pas ka lavdëruar Stefanin në fjalën e tij, duke thënë se martesa me të ishte gjëja më e madhe që ai ka bërë ndonjëherë.

“Kam ndalur së kontrolluari gjërat nga lista ime e arritjeve të mëdha në jetën time kur u martova me Gwen, kështu që kjo është vetëm qershia mbi tortë”, pati thënë Shelton.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.