Gjukanoviç: Vuçiç po shkatërron sovranitetin e vendeve fqinje

Presidenti i Malit të Zi, Milo Gjukanoviç, në një intervistë për televizioni shqiptar MCN TV ka vlerësuar se presidenti i Serbisë, Aleksandër Vuçiç, po përpiqet të paraqitet si faktor i bashkëpunimit rajonal me nismën “Ballkani i Hapur” dhe se ai “në fakt është një njeri që shkatërron sovranitetin e vendeve fqinje dhe stabilitetit rajonal”.

Gjukanoviç ka potencuar se Vuçiç “po mundohet të paraqitet si faktor i bashkëpunimit rajonal dhe në fakt është i njëjti njeri që po shkatërron sovranitetin e vendeve fqinje dhe stabilitetin e rajonit”.

“Sipas të njëjtës formulë si Millosheviçi, ai tha se serbët në rajon janë të rrezikuar, se ai është i thirrur të mbrojë të drejtat e serbëve në vendet fqinje, duke filluar nga Mali i Zi, duke rrezikuar sovranitetin e tij dhe duke rrezikuar stabilitetin e Ballkanit”.

Gjukanoviç tha se alternativat rajonale ishin gjithmonë të mirëpritura “sepse ato janë një terren testimi për bashkëpunimin”, por se Mali i Zi e shikoi “Ballkanin e Hapur” me rezerva.

Ai theksoi se ka edhe nisma të tjera si Procesi i Berlinit, i cili “hap perspektiva të rëndësishme për lidhjen e rajonit dhe lidhjet infrastrukturore me BE-në”.

“Tani po përpiqemi ta paraqesim Ballkanin e Hapur si një alternativë. Ne e shikojmë me kujdes në Mal të Zi. Shumica e ideve të nisura nga Ballkani i Hapur tashmë janë të përfshira në iniciativa të tjera, duke filluar me Procesin e Berlinit dhe CEFTA-n. Ne kanë arsye të mos i shumëfishojnë iniciativat, por të përdorin kapacitetet e tyre, veçanërisht ato nën patronazhin e Berlinit dhe Brukselit”, tha Gjukanoviç.

Ai e përmend edhe një arsye tjetër pse e shikon me rezerva “Ballkanin e Hapur” është se “ai ofrohet si një lloj alternativë ndaj Bashkimit Evropian”, por thekson edhe “pabesueshmërinë e disa prej personave që e promovojnë këtë nismë”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.