Gjykata Evropiane e të Drejtave të Njeriut ka vendosur në mënyrë unanime që të përjashtojë kërkesën e bërë nga ish-ministri i Shëndetësisë, Ilir Beqja, për kompensimin e pagave pas heqjes së mandatit të deputetit.
Beqja kërkonte kompensim nga shteti shqiptar pasi atij ju hoq mandati i deputetit në vitin 2011.
Në vitin 2012, ish-ministri i Shëndetësisë pati ankimuar në Gjykatën e Strasburgut vendimin e Kuvendit të Shqipërisë për heqjen e mandatit të tij.
Beqja pretendonte kompensim për tre vitet që iu hoqën si deputet.
Përmes një njoftimi gjykata bëri të ditur se ka kërkuar disa shkresa plotësuese, por ish-ministri nuk i kishte kthyer përgjigje.
“Për sa më sipër, dhe në mungesë të rrethanave të veçanta në lidhje me respektimin e të drejtave të garantuara nga Konventa dhe Protokollet në të, Gjykata, në mbështetje të nenit 37§1(a) të Konventës, gjykon se nuk justifikohet që të vijohet më tej me shqyrtimin e kërkesës, Për këtë arsye, Gjykata, në mënyrë unanime, Vendos ta përjashtojë kërkesën nga lista e saj e çështjeve”, shkruhet në përgjigjen e Gjykatës.
Ilir Beqja paditi në Gjykatën e Strasburgut, qeverinë e asaj kohe nën drejtimin e ish-kryeministrit Sali Berisha, pasi i ishte hequr mandati i deputetit me akuzën se kishte përfituar nga fondet publike.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Si u zbulua rrjeti ndërkombëtar i mashtrimi përmes call center, ku përfshihet dhe Shqipëria
-
Aksident tragjik në Durrës – Vritet në vendngjarje çiklisti, shoferi arratiset
-
EURO U-19/ Shqipëria njeh kundërshtarët në raundin kualifikues
-
Policia e Shtetit duhet të rrisë rezultatet dhe besimin e publikut, thotë Balla
