Policia e Krujës ka zbardhur ngjarjen e grabitjes së furgonit të mallrave, te rrethrrotullimi i Thumanës.
Në deklaratën zyrtare të policisë shkruhet se, ngjarja ka ndodhur në orët e para të mëngjesit, ku tre persona kanë kërcënuar me sende të forta shoferin dhe i kanë marrë furgonin e mallrave që transportonte banane.
Shtetasi F.B., 62 vjeç, banues në Tiranë, ka deklaruar se në Thumanë, tre persona ende të paidentifikuar i kanë marrë furgonin e mallrave.
Ndër të tjera, ai ka sqaruar se personat e maskuar e kanë kërcënuar me sende të forta.
Shërbimet e Policisë menjëherë pas marrjes së informacionit kanë organizuar punën ku gjatë krehjes së zonës kanë bërë të mundur gjetjen e mjetit në Kurbin.
Në ambientet e Policisë janë shoqëruar disa persona të cilët mund të kenë dijeni për ngjarjen si dhe janë sekuestruar pamjet filmike për zbardhjen e plotë të ngjarjes.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Aksident tragjik në Durrës – Vritet në vendngjarje çiklisti, shoferi arratiset
-
EURO U-19/ Shqipëria njeh kundërshtarët në raundin kualifikues
-
Policia e Shtetit duhet të rrisë rezultatet dhe besimin e publikut, thotë Balla
-
Avokati i Popullit nënvizon rëndësinë e mbrojtjes së gazetarëve, në ditën e lirisë së shtypit
