![](https://albanianpost.com/wp-content/uploads/2024/06/ilustrim1.jpg)
Presidenti i Serbisë, Aleksandër Vuçiç, është duke u përgatitur t’ia japë Rio Tintos dritën jeshile për ndërtimin e minierës më të madhe të litiumit në Evropë, dy vjet pasi Beogradi e anuloi projektin për shkak të protestave lokale, raportoi gazeta britanike “Financial Times” të dielen.
Vuçiç deklaroi për prestigjozen britanike se “garancitë e reja” të gjigantit botëror të minierave, por edhe të Bashkimit Evropian (BE), duket se do t’i adresojnë shqetësimet e theksuara të Serbisë, nëse standardet e nevojshme mjedisore do të plotësohen në luginën perëndimore të Jadarit.
Përkundër se ekonomia e Serbisë është relativisht e vogël, shteti serb posedon një nga depozitat më të mëdha të litiumit në kontinentin evropian – mineral kyç për prodhimin e baterive të automjeteve elektrike, të cilat mundësojnë që makinat të mos përdorin naftë e benzinë.
Presidenti i Serbisë njoftoi se miniera mund të hapet në vitin 2028, duke shtuar se ajo parashikohet t’i prodhojë 58 mijë tonë litium në vit, gjë që do të mjaftonte për prodhimin e 1.1 milion veturave elektrike. “Unë besoj se kjo mund ndryshojë lojën për Serbinë dhe të gjithë rajonin”.
Ndryshe, në vitin 2022, qeveria serbe e tërhoqi licencën për projektin e Rio Tintos në vlerë 2.4 miliardë dollarë, pas protestave masive. Përgjatë vitit 2021 dhe 2022, aktivistët mjedisorë të Serbisë i mblodhën 30 mijë nënshkrime në një peticion për ndaljen e kërkimeve për litium në vend.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Bardella premton të ndalojë shtetasit e dyfishtë nga disa punë shtetërore në Francë
-
Gërvalla, presidentit të Komitetit të Ministrave të KiE-së: I kemi plotësuar të gjitha kushtet për anëtarësim
-
LDK: Edhe një vendim anti-kushtetues i Qeverisë
-
Spektakël në Grupin D: Austria del e para, Franca e dyta, Holanda e treta
Lajmet kryesore
-
Zbardhen bisedat e skemës abuzive te Onkologjiku: Mjekët dërgonin pacientët te privati, ilaçet për tumorin i çonin nëpër farmaci
-
BSH: Investimet e huaja në pasuri të paluajtshme rritje me 71%
-
Bardella premton të ndalojë shtetasit e dyfishtë nga disa punë shtetërore në Francë
-
Gërvalla, presidentit të Komitetit të Ministrave të KiE-së: I kemi plotësuar të gjitha kushtet për anëtarësim