![](https://albanianpost.com/wp-content/uploads/2021/01/skynews-moderna-covid-19-coronavirus_5190091.jpg)
Moderna është vaksina e dytë, e cila ka marrë aprovimin nga Agjencia Evropiane e Barnave (EMA). Rregullatori i Barnave Evropiane i dha dritën jeshile vaksinës së Modernës, më 6 janar.
Drejtori ekzekutiv i Agjencisë Evropiane të Barnave (EMA) Emer Cooke deklaroi: “Kjo vaksinë na ofron një mjet tjetër për të kapërcyer emergjencën aktuale”.
Vendimi, i cili duhet të jetë firmosur nga Komisioni Ekzekutiv (KE) i Bashkimit Evropian (BE). Ky vendim vjen disa orë, pasi infermierja Sanna Elkadiri, 39 vjeç u bë personi i parë në Hollandë, që mori vaksinën Pfizer-BioNTech.
Kujtojmë se kur filloi shpërndarja e vaksinave të para të Covid-19, më 27 dhjetor, Presidentja e Komisionit Evropian, Ursula von der Leyen, e përshëndeti këtë çast “si një moment prekës uniteti”.
Hollanda mori mijëra dozat e para të vaksinës Pfizer në fund të vitit të kaluar. Këto vaksina qëndruan në ngrirje gjatë kohës, ndërsa ministrat po përfundonin planet e vaksinimit.
Personeli në shtëpitë e të moshuarve, personat me aftësi të kufizuara, së bashku me punonjësit e spitaleve që qëndojnë në vijën e parë janë të parët në radhë për t`u vaksinuar.
Numri i të vdekurve në Hollandë është mbi 11 mijë persona.
Ndërkohë që autoritetet franceze u kritikuan pasi për shkak të burokracisë, vaksinuan më pak se se 500 njerëz gjatë javës së parë të vaksinimit në Francë.
Gjermania, e cila disponon 1.3 milion doza të vaksinës Pfizer, ka vaksinuar më shumë se 265 mijë njerëz. Autoritetet po kritikohen për faktin që nuk po veprojnë aq shpejt sa vendet e tjera (përmendim Mbretërinë e Bashkuar).
Italia ka kryer 260 mijë vaksina, sipas televizionit kombëtar, shtetëror Rai. Përqindja më e lartë e dozave është shpërndarë në Lazio me 77.9%,më pas nga Toskanë me 75.1% dhe në Venezia me 73.8%.
Spanja ka marrë gjithsej 718 mijë doza të vaksinës Pfizer. Ministri i Shëndetësisë Salvador Illa deklaroi se Spanja ka kryer vetëm 82 mijë 334 vaksina deri më 1 janar. /AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Pajisja e parë në botë e epilepsisë ka reduktuar krizat e pacientit gjatë ditës me 80%
-
Asnjë gol në Grupin C: Anglia, Danimarka dhe Sllovenia kualifikohen, Serbia jashtë Euro 2024
-
Mëlçia e dhjamosur, rregullat për parandalimin dhe trajtimin
-
Evropianët nuk heqin dorë nga zakonet e tyre tradicionale të pijeve alkoolike
Lajmet kryesore
-
Zbardhen bisedat e skemës abuzive te Onkologjiku: Mjekët dërgonin pacientët te privati, ilaçet për tumorin i çonin nëpër farmaci
-
BSH: Investimet e huaja në pasuri të paluajtshme rritje me 71%
-
Presidenti kenian zotohet të rivendosë rendin pas protestave vdekjeprurëse për rritjen e taksave
-
Kurti, delegacionit gjerman: Hulumtoni mundësitë dhe përparësitë që i ofron Kosova për investitorët e huaj