Presidenti turk Rexhep Tajip Erdogan i tha homologut të tij ukrainas Volodymyr Zelensky se Turqia ishte e gatshme të presë negociatat e paqes midis delegacioneve nga Kievi dhe Moska.
“Ne jemi gati të presim një samit në të cilin mund të marrë pjesë edhe Rusia”, tha lideri turk gjatë një konference të përbashkët për shtyp me Zelensky-n në Stamboll, të transmetuar nga TV shtetëror turk Trt.
Erdogan përsëriti gjithashtu se Ankaraja është e gatshme të mbështesë një ringjallje të marrëveshjes që kishte lejuar eksportin e grurit nga Ukraina, nga gushti 2022 deri në korrik të vitit të kaluar, kur Moska u tërhoq nga marrëveshja.
Pakti i grurit “parandaloi një krizë globale ushqimore, për të siguruar një marrëveshje të re, nëse ka një qëllim nga të dyja palët, ne jemi të gatshëm të japim mbështetjen e nevojshme”, tha kreu i shtetit turk.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Rishfaqet qyteti shekullor teksa diga e Filipineve thahet gjatë valës së të nxehtit
-
Të ardhurat e Apple bien më pak nga sa pritej, pavarësisht fillimit të vështirë të vitit
-
14 ditët e fundit të regjistrimit të popullsisë – 1 milionë qytetarë u regjistruan
-
Ekspertët të shqetësuar për variantin e ri KP.2 të COVID në SHBA
