E vulosur me një puthje: Kili feston dasmat e para të së njëjës gjini

Dy çifte të së njëjtës gjini, u bënë të parët që u martuan ligjërisht në Kili, shtet ky i cili u bashkua me një pjesë të vogël të vendeve në Amerikën Latine me shumicë katolike për të lejuar çiftet LGBTQ të martohen.

Sipas një ligji të miratuar nga Kongresi në dhjetor dhe të nënshkruar nga presidenti në largim, Sebastian Pinera, tani ata mund të birësojnë edhe fëmijë.

“Nuk e imagjinonim kurrë se do ta përjetonim këtë moment në Kili”, deklaroi me krenari Jaime Nazar, 39-vjeçar, pasi u martua me partnerin e tij prej shtatë vitesh Javier Silva, 38-vjeçar, në një periferi të Santiagos.

Dy fëmijët e vegjël të çiftit ishin aty për ngjarjen historike.

“Tani po, mund të themi se jemi një familje”, tha Silva.

“Fëmijët tanë kanë të njëjtat kushte (si ato të çifteve hetero) dhe do të kenë një të ardhme më të mirë pa diskriminim për të pasur dy baballarë që e duan njëri-tjetrin”, shtoi ai.

Fëmijët janë produkt i shtatzënive surrogate jashtë vendit që përdorën spermën e njërit prind. Deri më tani, ata kishin vetëm një baba të njohur ligjërisht – dhuruesin biologjik.

Nga viti 2015 deri të enjten e këtij viti, çiftet e të njëjtit seks që dëshironin të zyrtarizonin marrëdhënien e tyre kishin vetëm një opsionin, atë të marrëveshjeve të bashkimit civil, të cilat i japin shumicën e të drejtave që ka martesa, por pa mundësinë e birësimit ligjor.

“Ky është një hap shumë i rëndësishëm për vendin. Ndihemi superkrenarë, të privilegjuar që jemi këtu”, tha Nazar, i cili është stomatolog.

Consuelo Morales dhe Pabla Heuser, të dyja 38 vjeçe, thanë se vendosën të martoheshin kryesisht për vajzën e tyre dyvjeçare Josefa.

“Sot Josefa pushon së qeni një vajzë jashtëmartesore”, tha Morales. Heuser, e cila mbante fëmijën në bark, kishte qenë prindi i vetëm ligjor i vajzës deri më tani.

Në total, tre dasma të të njëjtit seks u zhvilluan në Kili të enjten – ditën kur ligji hyri në fuqi.

Ajo erdhi në prag të betimit të të majtës Gabriel Boriç si presidenti më i ri i Kilit.

Kili ishte në pritje të miratimit të projektligjit të martesës që kur presidentja e atëhershme Michelle Bachelet e dërgoi atë në Kongres në vitin 2017.

Në një lëvizje të befasishme, pasardhësi i saj konservator Pinera njoftoi vitin e kaluar se do të kërkonte miratimin urgjent të projektligjit — i mbështetur nga shumica e Kilianëve — përmes Kongresit.

Pinera e nënshkroi atë në ligj vetëm dy ditë pasi ligjvënësit dhanë dritën jeshile përpara zgjedhjeve presidenciale, në të cilat Boriç dhe rivali i tij i ekstremit të djathtë, Jose Antonio Kast, votuan kokë e këmbë.

Kast kundërshtoi me forcë zgjerimin e aksesit në të drejtat e martesës, ndryshe nga Boriç që mbështeti masën.

Kili është tani një nga 30 vendet në botë që lejojnë martesat e të njëjtit seks, dhe shtatë në Amerikën Latine së bashku me Argjentinën, Uruguain, Brazilin, Kolumbinë, Ekuadorin, Kosta Rikën dhe disa shtete në Meksikë.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.