Drejtori i Përgjithshëm i Policisë së Shtetit, Muhamet Rrumbullaku ka shkarkuar nga detyra që mbante prej gjashtë muajsh shefin e komisariatit të Delvinës, Armando Zoga.
Zoga është transferuar me urdhër të Rrumbullakut në Akademinë e Policisë.
Ende nuk bëhen të ditura shkaqet e kësaj lëvizjeje, e cila është e veçuar nga urdhrat e tjerë që bëhen zakonisht për gjithë komisariatet.
Zoga pritet të zëvendësohet në këtë post nga komisar Naim Lala, i cili vjen nga Drejtoria e Kufirit dhe Migracionit Tiranë.
Më herët, Lala ka qenë edhe shef i Komisariatit të Policisë Mirditë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
