Diddy akuzohet sërish, kësaj radhe për drogim e përdhunim të një gruaje në vitin 1991

Një grua ka ngritur një padi të re kundër artistit, Sean “Diddy” Combs, gati një javë pas akuzave pasuar me marrëveshje me ish të dashurën e tij, këngëtaren, Cassie.

Sipas ankesës, të depozituar të enjten e 25 nëntorit në Gjykatën e Lartë të Manhatanit dhe të marrë nga Daily Beast, transmeton AlbanianPost, një grua e quajtur Joi Dickerson-Neal pretendon se ylli i hitit “I’ll Be Missing You” e përdhunoi dhe e drogoi atë në vitin 1991.

Padia pretendon se Dickerson, e cila ishte studente kolegji në Universitetin e Syracuse në atë kohë, “pa dëshirën e saj ra dakord për një darkë të hershme me Combs”.

“Gjatë takimit të tyre, Combs e kishte droguar qëllimisht atë, duke rezultuar në një gjendje fizike ku nuk mund të qëndronte apo të ecte në mënyrë të pavarur”, thuhet në padi.

“Duke vozitur fillimisht në një studio muzikore ku ajo nuk mund të dilte nga makina, Combs vazhdoi në një vend ku po qëndronte për ta sulmuar atë seksualisht”, thuhet tutje.

Ndërsa Dickerson nuk shkoi në polici pas ngjarjes së dyshuar të incidentit, ajo pretendon se më vonë iu afrua DeVante Swing – një anëtar i grupit “Jodeci” – i cili dyshohet se i tha asaj se Combs kishte ndarë një “kasetë seksi” të të dyve.

Sidoqoftë, Swing dyshohet se nuk do të kërkonte drejtësi për Dickerson për shkak të frikës se mos humbiste marrëveshjen e tij të regjistrimit me Combs.

Dokumenti pretendon më tej se Dickerson u largua nga kolegji dhe u shtrua në një spital për ide vetëvrasëse.

“Kjo padi e minutës së fundit është një shembull se si një ligj me qëllime të mira mund të kthehet në kokë. Historia 32-vjeçare e zonjës Dickerson është e sajuar dhe jo e besueshme,” tha zëdhënësi i Diddyt.

” Combs kurrë nuk e sulmoi atë dhe ajo implikon kompani që nuk ekzistonin. Kjo është thjesht një rrëmbim parash dhe asgjë më shumë”, shtoi ai.

Zëdhënësi i Combs i referohet Aktit të Nju Jorkut për të Mbijetuarit e Rritur, i cili lejon viktimat e supozuara të veprave seksuale të paraqesin padi civile edhe pse statuti i kufizimeve mund të ketë kaluar.

Combs, 54 vjeç, kohët e fundit ka zgjidhur një padi të ngjashme me ish-të dashurën Cassie.

Siç u raportua më parë, këngëtarja e “Me & U” akuzoi ish-in e saj për përdhunim dhe abuzime fizike dhe mendore prej vitesh më 16 nëntor.

Cassie, e lindur Cassandra Ventura, pretendoi se rep artisti “ishte i prirur ndaj zemërimit të pakontrollueshëm dhe shpesh e ka rrahur atë egërsisht” gjatë marrëdhënies së tyre dhjetëvjeçare.

Megjithatë, Combs dhe Cassie, 37 vjeç, e zgjidhën padinë në më pak se 24 orë.

Diddy akuzohet nga Cassie për përdhunim dhe vite abuzimi

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.