Qeveria metropolitane e Tokios ka filluar lëshimin e certifikatave të partneritetit për çiftet e të njëjtit seks, të cilët jetojnë dhe punojnë në kryeqytetin japonez.
Ky lajm është pritur gjatë në një vend që ende nuk lejon martesat për komunitetin LGBT.
Certifikatat e partneritetit lejojnë që këto çiftet të trajtohen si çifte të martuara në fusha të ndryshme si strehimi, shëndetësia dhe mirëqenia.
Statusi i certifikatës nuk jep të njëjtat të drejta me atë të martesës.
“Që nga e premtja e 28 tetorit, 137 çifte kishin aplikuar për një certifikatë”, tha guvernatori i Tokios, Yuriko Koike.
Hyrja e certifikatave në vend shihet si një hap në luftën e diskriminimit ndaj komunitetit LGBT.
Vitet e fundit Japonia ka bërë hapa të vegjël drejt pranimit të identitetit seksual të individit.
Personazhe të njohur të botës së media-s dhe televizionit kanë shpallur qëndrimin e tyre në favor të martesave të të njëjtit seks.
Një sondazh i vitit 2021 nga Televizioni publik “NHK” tregoi se 57 për qind e publikut ishte në favor të martesave mes të njëjtit seks, kundrejt 37 për qindin, të cilët ishin kundër.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Rishfaqet qyteti shekullor teksa diga e Filipineve thahet gjatë valës së të nxehtit
-
Të ardhurat e Apple bien më pak nga sa pritej, pavarësisht fillimit të vështirë të vitit
-
14 ditët e fundit të regjistrimit të popullsisë – 1 milionë qytetarë u regjistruan
-
Ekspertët të shqetësuar për variantin e ri KP.2 të COVID në SHBA