Ylli i Liverpool-it, Darwin Nunez, është në prag të thyerjes së një rekord 96-vjeçar pasi shënoi gjatë ndeshjes së Uruguait kundër Bolivisë.
Të enjten mbrëma, Nunez udhëhoqi sulmin e Uruguait teksa ata u përballën me Bolivinë në Kupën e Amerikës në stadiumin “MetLife” në Nju Xhersi.
Ekipi i Marcelo Bielsa-s doli fitues 5-0 falë golave të Nunez, Facundo Pellistri, Maximiliano Araujo, Federico Valverde dhe Rodrigo Bentancur.
Sulmuesi i Liverpool-it, Nunez shënoi golin në minutën e 21-të, që ishte goli i tij i dytë në Kupën e Amerikës 2024, pasi shënoi edhe kundër Panamasë.
Përveç kësaj, 23-vjeçari tani ka shënuar në shtatë ndeshje radhazi për vendin e tij, duke barazuar rekordin e vendosur nga Hector Scarone, i cili e arriti për herë të parë këtë sukses 96 vjet më parë.
Nëse Nunez arrin të gjejë rrjetën kundër SHBA-ve në ndeshjen e tij të radhës, ai do të dalë i vetëm si rekordmen.
Nunez doli nga loja në minutën e 83-të kundër Bolivisë, i zëvendësuar nga ish-sulmuesi i Liverpool-it dhe Barcelona-s, Luis Suarez.
SIEMPRE DARWIN. Y HASTA CUÁNDO DARWIN. pic.twitter.com/VvzJBzKQCE
— CONMEBOL Copa América™️ (@CopaAmerica) June 28, 2024
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
NYT: Kadare – i vetëm – e vendosi Shqipërinë në hartën e letërsisë botërore
-
Sezoni turistik, nis patrullimi i përbashkët rrugor mes Shqipërisë dhe Kosovës
-
Jacques Attali: Macron lidhet me të majtën për një qeveri teknike, shmangni bashkëjetesën ose Olimpiada do të jetë si Berlini 1936
-
Gjenerali i ushtrisë së shkronjave
