Cilat ushqime janë të mira për gjumin dhe cilat e shqetësojnë atë?

Ushqimi mund të ndikojë shumë në cilësinë e gjumit. Ndërsa disa ushqime që përmbajnë kafeinë ose sheqer mund të stimulojnë sistemin nervor dhe kështu e bëjnë më të vështirë rënien në gjumë, ushqimet e tjera kanë efektin e kundërt dhe nxisin gjumin.

Kafeina, alkooli, sheqeri dhe ushqimet e rënda nuk duhet të konsumohen kurrë para se të shkoni në shtrat. Për shkak të zgjedhjes së gabuar, kimikatet në trup mund të prishin nivelet e sheqerit në gjak dhe të çojnë në zgjime të shpeshta gjatë natës.

Mineralet

Një zgjedhje e mirë është kaliumi, një mineral i fuqishëm që do të qetësojë sistemin nervor. Magnezi është gjithashtu i domosdoshëm. Bajamet janë të pasura me proteina dhe magnez, janë të shkëlqyera për relaksimin e muskujve të lënduar.

Ato përmbajnë yndyra të shëndetshme dhe fibra dhe stabilizojnë nivelet e sheqerit në gjak, gjë që do t’ju pengojë të hani vonë natën. Mjafton një grusht bajame në ditë, ose 30 gramë. Ato përmbajnë sasi të mëdha të vitaminës B, e cila ndihmon në shndërrimin e triptofanit në serotonin.

Karbohidratet

Përfshirja e karbohidrateve në dietë ndihmon në rritjen e niveleve të triptofanit, një aminoacid thelbësor në gjak, të cilin trupi e shndërron në serotonin. Një dietë që përfshin eliminimin e karbohidrateve mund të prishë ekuilibrin kimik të trupit, kështu që në vend që t’i eliminoni plotësisht, zgjidhni një lloj karbohidratesh si bizelet ose thjerrëzat.

Antioksidantët

Shumë bimë kanë vetinë e antioksidantëve, dhe antioksidanti universal bimor është kamomili. Kjo bimë nuk përmban kafeinë dhe është plot me krizinë, e cila ka një efekt antioksidant dhe një efekt qetësues të provuar. Shpesh përdoret si ilaç kundër pagjumësisë dhe çrregullimeve të tjera të gjumit. Nëse jeni të stresuar dhe nuk mund të relaksoheni, pini çaj të ngrohtë kamomili.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.