Chollet, Osmanit: De-përshkallëzoni tensionet dhe angazhohuni urgjent në dialogun e lehtësuar nga BE-ja
Këshilltari i lartë i Departamentit amerikan të Shtetit, Derek Chollet, ka thënë se gjatë takimit me presidenten e Kosovës, Vjosa Osmani ka diskutuar për de-përshkallëzim dhe normalizim të marrëdhënieve mes Kosovës dhe Serbisë.
“Diskutim i mirë me Presidenten Vjosa Osmani mbi përkushtimin tonë të përbashkët për të ardhmen euro-atlantike të Kosovës, nevojën për të de-përshkallëzuar tensionet dhe për t’u angazhuar urgjentisht në dialogun e lehtësuar nga BE-ja për normalizimin e marrëdhënieve me Serbinë – çelësi i stabilitetit rajonal dhe integrimit në BE”, ka shkruar Chollet në platformën X.
Ndërsa Presidentja Osmani, pas takimit me Cholletin ka njoftuar se ka theksuar rëndësinë e një qasjeje parimore për zbatimin e plotë dhe të balancuar të marrëveshjeve.
“Roli i SHBA-ve është kyç për të përfunduar me sukses procesin, duke i hapur rrugën njohjes reciproke”, ka theksuar Osmani.
Këto takime të Osmanit me Escobar-in dhe Chollet-in, janë në kuadër të vizitës së saj në New York, ku është duke u mbajtur Sesioni i 78 i Asamblesë së Kombeve të Bashkuar.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Rishfaqet qyteti shekullor teksa diga e Filipineve thahet gjatë valës së të nxehtit
-
Të ardhurat e Apple bien më pak nga sa pritej, pavarësisht fillimit të vështirë të vitit
-
14 ditët e fundit të regjistrimit të popullsisë – 1 milionë qytetarë u regjistruan
-
Ekspertët të shqetësuar për variantin e ri KP.2 të COVID në SHBA