Sipas “La Gazzetta dello Sport”, Chelsea po humbet durimin me Romelu Lukaku-n, i cili nuk është i gatshëm të transferohet në Arabinë Saudite dhe vazhdon të presë për një klub të ri evropian.
Gazeta rozë pretendon se Al-Hilal e ka rritur ofertën e tyre për 30-vjeçarin në 50 milionë euro në sezon.
Skuadra Saudite Pro League ka propozuar të njëjtën tarifë për Chelsea-n, më e lartë se oferta prej 40 milionë euro e Juventusit.
Sipas gazetës italiane, Chelsea po humbet durimin me ish-sulmuesin e Inter-it dhe po e shtyn përfaqësuesin e tij që të marrë një vendim për të ardhmen e Lukaku-t.
Belgu refuzoi t’i përgjigjej thirrjeve të Inter-it javën e kaluar dhe në vend të kësaj hapi bisedimet me Juventusin.
Lukaku, l'Al-Hilal va al rilancio e il Chelsea ora pressa https://t.co/T64iEjIVjZ https://t.co/ry3ycQ2KyE
— OdeonZ (@OdeonZ__) July 23, 2023
Prandaj, zikaltrit janë tërhequr nga gara për nënshkrimin e tij dhe kanë synuar ndër të tjera Alvaro Morata-b apo Folarin Balogun.
Lukaku aktualisht po stërvitet në Cobham dhe nuk i është bashkuar pjesës tjetër të skuadrës së Chelsea-t në SHBA për turneun e tyre para-sezonal.
“Tuttosport” raportoi javën e kaluar se avokati i Lukaku-t, Sebastien Ledure do të pranonte ofertën e Al-Hilal, por sulmuesi dëshiron të vazhdojë të luajë në Evropë.
Sipas “Il Corriere dello Sport”, Juventus-i është i gatshëm të bëjë një ofertë për Lukaku-n pavarësisht nga shitja e Dusan Vlahovic.
Gazeta me bazë në Romë pretendon se Lukaku tashmë ka rënë dakord për kushtet personale me “Zonjën e Vjetër”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
1 Maji në mbarë botën: Më shumë të drejta dhe rritje të pagave
-
Reforma Zgjedhore, Klosi: Besoj se Parlamenti do të ketë vullnetin për të realizuar disa problematika
-
Gjeorgjia në revoltë kundër qeverisë pro-ruse, turma kërkon demokraci
-
Premtimi i Kurtit për Kodin Civil “shpresa e fundit” për t’i shpëtuar presionit për Asociacionin