Toby Vogel, ekspert i politikës së jashtme të Bashkimit Evropian (BE) nga Këshilli i Politikave të Demokratizimit (DPC), nëpërmjet një postimi në platformën “X” pas seancës së Këshillit të Sigurimit të Organizatës së Kombeve të Bashkuara (OKB), tha se ‘broçkullat’ e presidentit serb, Aleksandër Vuçiç, mund të kalojnë në Bruksel, por asnjëherë në Nju Jork.
“Shikoni se çfarë ndodh në Këshillin e Sigurimit të OKB-së kur Vuçiçi përpiqet t’i përdorë broçkullat që BE-ja e ka lënë t’i përdorë prej vitesh. Kjo mund të funksionojë në Bruksel, nuk funksionon në Nju Jork”, shkroi Vogel derisa shpërndau një sekuencë nga seanca e djeshme, ku përfaqësuesja e Maltës i tregoi presidentit serb se në OKB ekzistojnë rregulla të sjelljes.
Këshilli i Sigurimit i OKB-së shqyrtoi të hënën (22 prill) raportin e ri gjashtëmujor të Sekretarit të Përgjithshëm të OKB-së, Antonio Guterres, për punën e misionit mbështetës të OKB-së në Kosovë (UNMIK). Në raportin që i referohet periudhës nga 19 shtatori 2023 deri më 15 mars 2024, një pjesë e madhe adreson sulmin terrorist serb në pjesën veriore të Kosovës.
Megjithatë, gjatë seancës pati përplasje verbale mes presidentit të Serbisë dhe kryesueses së Këshillit të Sigurimit të OKB-së. Në një moment, ambasadorja e Maltës në OKB, Vanessa Frazier, tregoi autoritetin qortues duke goditur tavolinën gjatë seancës pas sjelljes banale të presidentit serb.
Watch what happens at the UN Security Council when Vučić tries to pull the sort of cr*p that the EU has let him pull for years
This may work in Brussels, it ain't working in New York https://t.co/eUxWwD3Nkh
— Toby Vogel (@tobyvogel) April 23, 2024
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Franca vlerëson se 150 mijë ushtarë rusë janë vrarë në luftën në Ukrainë
-
NYPD nxjerr shifrat e arrestimeve, mes pretendimit të “agjitatorit të jashtëm” në protestën e Columbia-s për Gazën
-
Amit Shah, strategu i qetë pas ngritjes së Modit
-
Macron godet nacionalistët evropianë: Po shesin të njëjtat gënjeshtra si ato për Brexit-in